ലോകമെമ്പാടും കളക്ഷനിൽ കുതിക്കുകയാണ് പ്രഭാസ് ചിത്രം സലാർ. വിദേശത്തും വലിയ സ്വീകാര്യതയാണ് ചിത്രത്തിനുള്ളത്. ആഗോള തലത്തിൽ 700 കോടിയിലേക്ക് കടക്കുകയാണ് ചിത്രം. തെലുങ്കിലും സലാറിന്റെ തലയെടുപ്പിന് കുറവൊന്നുമില്ല. തെലുങ്ക് പതിപ്പിന് വിദേശത്ത് 100 കോടിയാണ് ചിത്രം സ്വന്തമാക്കിയിരിക്കുന്നത്.
കെജിഎഫ് എന്ന വമ്പൻ ഹിറ്റ് സിനിമ പ്രേക്ഷകർക്ക് സമ്മാനിച്ച സംവിധായകൻ പ്രശാന്ത് നീൽ ചിത്രത്തെ ആരാധകർ ആവേശത്തോടെയാണ് സ്വീകരിച്ചത്. ഒരാഴ്ച കൊണ്ട് ബെംഗളൂരു സിറ്റിയില്‍ 6000 ഷോ എന്ന് റെക്കോർഡ് സലാര്‍ നേരത്തെ സ്വന്തമാക്കിയിരുന്നു.
രണ്ട് സുഹൃത്തുക്കളുടെ കഥയാണ് സലാർ പറയുന്നത്. ഇരുവരും എങ്ങനെ ശത്രുക്കളായി മാറുന്നു എന്നതിലേക്കാണ് സലാർ പാർട്ട് 1സീസ് ഫയർ. ആക്ഷൻ രംഗങ്ങൾ കൊണ്ടും ഇമോഷണൽ ഡ്രാമ കൊണ്ടും തീയേറ്ററുകളിൽ ആരാധകർക്കിടയിൽ ആവേശമാകുകയാണ് സലാർ. അഞ്ച് ഭാഷകളിലായെത്തിയ ചിത്രത്തിൽ ശ്രുതി ഹാസൻ, ജഗപതി ബാബു,ബോബി സിംഹ, ടിന്നു ആനന്ദ്, ഈശ്വരി റാവു, ശ്രീയ റെഡ്ഡി, രാമചന്ദ്ര രാജു എന്നിവരും പ്രധാന വേഷങ്ങളിലെത്തുന്നുണ്ട്.
