മഞ്ഞുപെയ്യുന്ന ഡിസംബർ മാസത്തിൽ നിന്നും പുതുവർഷത്തെ സ്വാഗതം നമ്മൾ സ്വാഗതം ചെയ്തിരിക്കുകയാണ്. പുതുവർഷത്തെ ഈ യാത്രയിൽ ആരോഗ്യം സംരക്ഷിക്കുകയെന്നത് പ്രധാനമാണ്. ശരീരത്തെ ബലപ്പെടുത്തുന്നതും ശാരീരികോന്മേഷം വർദ്ധിപ്പിക്കുന്നതും നമ്മൾ എന്തു കഴിക്കുന്നു, കുടിക്കുന്നുവെന്നതിനെ ആശ്രയിച്ചിരിക്കുന്നു. അമിതമായ അളവിൽ ദിവസവും ചായകുടിക്കുന്നത് ആരോഗ്യത്തിന് ഹാനികരമാണെന്ന് വിദഗ്ധർ പറയുന്നു. ഇതിനു പകരം ഇനി പറയുന്ന പാനീയങ്ങൾ ശീലമാക്കാം..
ഹെർബൽ ചായ
രോഗപ്രതിരോധശേഷി വർദ്ധിപ്പിക്കാൻ ഹെർബൽ ചായ ആഴ്ചയിൽ ഒന്നോ രണ്ടോ ദിവസങ്ങളിൽ കുടിക്കാം. ഇഞ്ചി, ഗ്രാമ്പു, കറുവാപട്ട തുടങ്ങിയ ആയുർവേദ വസ്തുക്കൾ ചേർത്തുണ്ടാക്കുന്ന ചായ ശീതകാലത്തിൽ നിന്നും ആശ്വാസം നൽകാനും ദഹനപ്രശ്‌നങ്ങൾ ഒഴിവാക്കാനും സഹായിക്കുന്നു.
മഞ്ഞൾപൊടിയിട്ടു തിളപ്പിച്ച പാൽ
‘ഗോൾഡൻ മിൽക് ‘ എന്നറിയപ്പെടുന്ന ഈ പാനീയം മഞ്ഞൾപൊടി, ഇഞ്ചി, പാൽ, കറുവാപട്ട തുടങ്ങിയവ ചേർത്താണ് ഉണ്ടാക്കുന്നത്. രാത്രി ഈ പാൽ കുടിക്കുന്നത് ദഹനപ്രശ്‌നങ്ങൾ ഒഴിവാക്കാനും സന്ധിവാത രോഗങ്ങൽ ശമിപ്പിക്കാനും സഹായിക്കുന്നു.
തിളപ്പിച്ച നാരങ്ങാ വെള്ളം
നാരങ്ങ വിറ്റാമിൻ സിയുടെ കലവറയാണെന്ന് നമുക്ക് അറിയാം. തിളപ്പിച്ചാറ്റിയ വെള്ളത്തിൽ പാതി നാരങ്ങ പിഴിഞ്ഞൊഴിച്ച് അൽപം ഉപ്പും ചേർത്ത് കുടിക്കുന്നത് ശൈത്യകാല രോഗങ്ങളെ പ്രതിരോധിച്ചു നിർത്താൻ സഹായിക്കുന്നു.
ഹോട്ട് ചോക്ലേറ്റ്
ധാരാളം ആന്റി ഓക്‌സിഡന്റുകളാൽ സമ്പന്നമാണ് ഡാർക്ക് കൊക്കോ പൗഡർ. ഇതുപയോഗിച്ചുണ്ടാക്കുന്ന ഹോട്ട് ചോക്ലേറ്റ് പ്രമേഹ രോഗികൾക്കും കഴിക്കാം. ആർത്തവ സമയങ്ങളിലെ വയറുവേദന അകറ്റുന്നതിനും ഹൃദയാരോഗ്യം വർദ്ധിപ്പിക്കുന്നതിനും ഹോട്ട് ചോക്ലേറ്റ് ആഴ്ചയിൽ ഒന്നോ രണ്ടോ ദിവസം കഴിക്കാം.
