ഛണ്ഡീഗഡ്: പാകിസ്താൻ കള്ളക്കടത്തുക്കാരുടെ മറ്റൊരു ലഹരിക്കടത്തു ശ്രമംകൂടി തകർത്ത് അതിർത്തി സുരക്ഷാ സേന. പഞ്ചാബിലെ ഫിറോസ്പൂർ ജില്ലയിൽ നിന്നും ചൈനീസ് നിർമ്മിത പാകിസ്താൻ ഡ്രോൺ സൈന്യം കണ്ടെടുത്തു. ഹസാര സിംഗ് വാല ഗ്രാമത്തിലെ വയലിൽ നിന്നാണ് ഡ്രോൺ കണ്ടെടുത്തത്. ഇതിൽ നിന്നും 3 കിലോയിലധികം ഹെറോയിൻ ലഭിച്ചതായി സുരക്ഷാ സേന അറിയിച്ചു.
അതിർത്തി സുരക്ഷാ സേനയ്‌ക്ക് ലഭിച്ച രഹസ്യ വിവരത്തെ തുടർന്ന് നടത്തിയ തിരച്ചിലിലാണ് വയലിൽ നിന്നും ഡ്രോൺ കണ്ടെത്തിയത്. DJI Matrice 300 RTK മോഡൽ ചെനീസ് നിർമ്മിത ഡ്രോണാണ് കണ്ടെത്തിയതെന്ന് സുരക്ഷാ സേന അറിയിച്ചു. മയക്കുമരുന്ന് ഡ്രോണിൽ പൊതിഞ്ഞ നിലയിലായിരുന്നു. ഇതിനു മുമ്പും സമീപ പ്രദേശങ്ങളിൽ നിന്നും ഡ്രോൺ കണ്ടെത്തിയിട്ടുണ്ടെന്നും വരും ദിവസങ്ങളിലും പ്രദേശത്ത് ശക്തമായ പരിശോധനകൾ നടത്തുമെന്നും അതിർത്തി സുരക്ഷാ സേന അറിയിച്ചു.
