മുംബൈ: അയോദ്ധ്യയിലേക്ക് വിമാന സർവ്വീസ് നടത്താനൊരുങ്ങി ഇൻഡിഗോ എയർലൈൻസ്. ഇന്നു മുതലാണ് മുംബൈയിൽ നിന്ന് അയോദ്ധ്യയിലേക്കും അയോദ്ധ്യയിൽ നിന്ന് മുംബൈയിലേക്കും വിമാന സർവ്വീസുകൾ ആരംഭിച്ചത്.
മുംബൈയിൽ നിന്ന് ഉച്ചയ്‌ക്ക് 12.30ന് പുറപ്പെടുന്ന വിമാനം 2.45ന് അയോദ്ധ്യയിലെത്തും. അതേസമയം, തിരിച്ചുള്ള വിമാനം അയോദ്ധ്യയിൽ നിന്ന് 3:15 ന് പുറപ്പെട്ട് 5:40 ന് മുംബൈയിലെത്തും. കഴിഞ്ഞ ഡിസംബർ 13ന് ഇൻഡിഗോ ഡൽഹിയിൽ നിന്ന് അയോദ്ധ്യയിലേക്ക് സർവ്വീസുകൾ ആരംഭിച്ചിരുന്നു.
ഈ മാസം 22നാണ് അയോദ്ധ്യയിലെ പ്രാണപ്രതിഷ്ഠാ ചടങ്ങ് നടക്കുക. അന്നേ ദിവസം 22 ചാർട്ടേഡ് വിമാനങ്ങൾ അയോദ്ധ്യയിൽ ഇറങ്ങുമെന്ന് ഉത്തർപ്രദേശ് മുഖ്യമന്ത്രി യോഗ് ആദിത്യനാഥ് പറഞ്ഞിരുന്നു. കഴിഞ്ഞ ഡിസംബർ 30-നാണ് അയോദ്ധ്യയിലെ മഹർഷി വാത്മീകി അന്താരാഷ്‌ട്ര വിമാനത്താവളം പ്രധാനമന്ത്രി ഉദ്ഘാടനം ചെയ്തത്.
