‘മേരാ രാം ആയേംഗേ….’; രാംലല്ലയെ സ്തുതിച്ച് മുസ്ലീം വിദ്യാർത്ഥിനിയുടെ ഭജന; വീഡിയോ കാണാം

ഭാരതീയർ ആദരവോടെ കാത്തിരിക്കുന്ന അയോദ്ധ്യ രാമക്ഷേത്രത്തിലെ പ്രാണ പ്രതിഷ്ഠയ്‌ക്ക് ഇനി ദിവസങ്ങൾ മാത്രമാണ് അവശേഷിക്കുന്നത്. രാജ്യം മുഴുവൻ ഭക്തിയുടെ പരകോടിയിലാണ്. നൂറ്റാണ്ടുകളുടെ കാത്തിരിപ്പ് സഫലമാകുന്ന പുണ്യ മുഹൂർത്തത്തെ വരവേൽക്കാൻ അയോദ്ധ്യ അണിഞ്ഞൊരുങ്ങുമ്പോൾ എല്ലാം ഭക്തിമയം. ശ്രീരാമ ഭ​ഗവാനെ സ്തുതിച്ചു കൊണ്ടുള്ള ഭജനകളും ​ഗാനങ്ങളും സമൂഹമാദ്ധ്യമങ്ങളിലും നിറയുകയാണ്. ശ്രീരാമ ഭ​ഗവാനെ സ്തുതിച്ചുകൊണ്ട് ഉത്തർപ്രദേശിൽ നിന്നുള്ള ഒരു വിദ്യാർത്ഥിനി ആലപിച്ച ഭജനയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്.

ഭ​ഗവാനെ സ്തുതിച്ചു കൊണ്ടുള്ള ഭജനകൾ സമൂഹമാദ്ധ്യമങ്ങളിൾ പങ്കുവെയ്‌ക്കണമെന്ന് പ്രധാനമന്ത്രി നരേന്ദ്രമോദി ആഹ്വാനം ചെയ്തിരുന്നു. ഇതിന് പിന്നാലെ രാജ്യത്തിന്റെ വിവിധ ഭാ​ഗങ്ങളിൽ നിന്നുള്ള ​ഗായകർ അവർ ആലപിച്ച ​ഗാനങ്ങൾ പങ്കുവെച്ചു. ഇക്കൂട്ടത്തിൽ ഉത്തർപ്രദേശിലെ ലഖിംപൂർ ജില്ലയിൽ നിന്നുള്ള ഒരു മുസ്ലീം വിദ്യാർത്ഥിനി ആലപിച്ച ​ഗാനം വൈറലായി. എമാൻ അൻസാരി എന്ന പെൺകുട്ടിയാണ് ‘രാം ആയേംഗേ’ എന്ന ഭജന ഭക്തിയോടെ ആലപിച്ചിരിക്കുന്നത്.

#WATCH | Muslim student sings Shri Ram Bhajan in #Lakhimpur, #UttarPradesh

(ANI) pic.twitter.com/DwSb0PjdCD

— Hindustan Times (@htTweets) January 15, 2024

“>