ന്യൂഡൽഹി: അയോദ്ധ്യയിലെ ശ്രീരാമ ക്ഷേത്രത്തിന്റെ പ്രാണ പ്രതിഷ്ഠാ ചടങ്ങിന് മുന്നോടിയായി കൊണാട്ട് പ്ലേസിലെ ( സിപി ) ഹനുമാൻ ക്ഷേത്രത്തിൽ സംഘടിപ്പിച്ച സ്വച്ഛതാ അഭിയാൻ ക്യാമ്പയിനിൽ പങ്കെടുത്ത് കേന്ദ്രമന്ത്രി അനുരാഗ് ഠാക്കൂർ. ക്ഷേത്ര പരിസരം വൃത്തിയാക്കി കൊണ്ടാണ് അദ്ദേഹം ശുചീകരണ യജ്ഞത്തിന് തുടക്കമിട്ടത്.
രാവിലെ സി.പി.യിൽ ക്ഷേത്രത്തിലെത്തിയ കേന്ദ്രമന്ത്രി ക്ഷേത്രപരിസരത്തെ തറ തുടച്ചു വൃത്തിയാക്കി. മാലിന്യങ്ങൾ നിക്ഷേപിക്കാനായി എല്ലായിടത്തും ചവറ്റുകൊട്ടകളുണ്ട്. പക്ഷേ മാലിന്യങ്ങൾ വലിച്ചെറിയാനാണ് ആളുകൾക്ക് ഇഷ്ടം.ഈ ചിന്താഗതി മാറേണ്ടതുണ്ട്.- കേന്ദ്രമന്ത്രി പറഞ്ഞു. നേരത്തെ, പ്രതിരോധ മന്ത്രി രാജ്നാഥ് സിംഗ് ലക്‌നൗവിലെ ഹനുമാൻ ക്ഷേത്രത്തിന്റെ പരിസരം സ്വച്ഛതാ അഭിയാൻ ക്യാമ്പയിന് മുന്നോടിയായി വൃത്തിയാക്കിയിരുന്നു.
#WATCH | Union Minister Anurag Thakur cleans the premises of Hanuman Temple at Connaught Place in Delhi, as part of cleanliness drive. pic.twitter.com/32VPhffboV
— ANI (@ANI) January 16, 2024
“>
പ്രാണപ്രതിഷ്ഠയ്‌ക്ക് മുന്നോടിയായി ജനുവരി 14 മുതൽ രാജ്യത്തെ എല്ലാ പൗരന്മാരും ശുചിത്വ ക്യാമ്പയിനിൽ പങ്കെടുത്ത് രാജ്യത്തുടനീളമുള്ള എല്ലാ ആരാധനാലയങ്ങളും ശുചീകരിക്കണമെന്ന് പ്രധാനമന്ത്രി ആഹ്വാനം ചെയ്തിരുന്നു. ഇതിനോടകം തന്നെ രാജ്യം മുഴുവൻ പ്രധാനമന്ത്രിയുട ആഹ്വാനം ഏറ്റെടുത്ത് കഴിഞ്ഞു. ക്യാമ്പയിനിന്റെ ഭാഗമായി പ്രധാനമന്ത്രി നാസിക്കിലെ കലാറാം ക്ഷേത്ര പരിസരം കഴിഞ്ഞ ദിവസം ശുചീകരിച്ചിരുന്നു.
