തിരുവനന്തപുരം: അയോദ്ധ്യയിലെ പ്രാണപ്രതിഷ്ഠ ചടങ്ങിൽ അസഹിഷ്ണുത പ്രകടമാക്കി മുഖ്യമന്ത്രി പിണറായി വിജയൻ. ഒരു മതത്തെ മാത്രം പ്രോത്സാഹിപ്പിക്കുന്നതോ ഒരു മതത്തെ ഉയർത്തിക്കാട്ടുന്നതോ ശരിയല്ല. എനിക്ക് അയോദ്ധ്യയിലേക്ക് ട്രസ്റ്റിന്‍റെ ക്ഷണം ഉണ്ടായിരുന്നുവെങ്കിലും പോയില്ല. മതനിരപേക്ഷതയാണ് ഭരണഘടന മുന്നോട്ട് വയ്‌ക്കുന്നത്. മതം വ്യക്തിപരമായ വിഷയമാണ്. ഇപ്പോൾ രാഷ്‌ട്രവും മതവും തമ്മിലുള്ള അതിർവരമ്പ് ചുരുങ്ങുന്നു.
ഭരണഘടന പ്രകാരം സത്യപ്രതിജ്ഞ എടുത്തവർക്ക് എല്ലാവർക്കും ഒരേ അവകാശം ഉറപ്പ് വരുത്താൻ ബാധ്യത ഉണ്ട്. എല്ലാമതങ്ങൾക്കും തുല്യത വാഗ്ദാനം ചെയ്യുന്നതാണ് ഭരണഘടന.ട്രസ്റ്റ് പലരെയും ചടങ്ങിന് ക്ഷണിച്ചിട്ടുണ്ടായിരുന്നു ഭരണ ഘടനാപരമായ ഉത്തരവാദിത്തം സംരക്ഷിക്കാൻ പ്രതിജ്ഞ ചെയ്തിട്ടുള്ളവർ ചടങ്ങിൽ പങ്കെടുക്കാതെ മതേതര മൂല്യങ്ങളോടുള്ള പ്രതിബന്ധത ഒന്നുകൂടി ഉയർത്തിപ്പിടിക്കാൻ കിട്ടിയ ക്ഷണം നിരസിക്കുകയാണ് വേണ്ടത്.
ഇന്ന് പുറത്തിറക്കിയ വീഡ‍ിയോ സന്ദേശത്തിലാണ് പ്രാണപ്രതിഷ്ഠ ചടങ്ങിനെ വിമർശിച്ച് മുഖ്യമന്ത്രി പിണറായി വിജയൻ രംഗത്തെത്തിയത്. മതനിരപേക്ഷതയാണ് ജനാധിപത്യ ഇന്ത്യയുടെ ആത്മാവ്. വിശ്വാസികളും ഒരു മതത്തിലും വിശ്വസിക്കാത്തവരും സ്വാതന്ത്ര്യസമരത്തിന്റെ ഭാഗമായിരുന്നുവെന്നും മുഖ്യമന്ത്രി പറഞ്ഞു.
Comrade Pinarayi Vijayan on Ram Temple Inauguration.. pic.twitter.com/6CdsnilLXj
— CPI (M) (@cpimspeak) January 22, 2024
“>
