സുരേഷ് ഗോപിയുടെ മകളുടെ വിവാഹം കണ്ടപ്പോൾ മനസിൽ മകളുടെ വിവഹമാണ് സ്വപ്നം കണ്ടതെന്ന് നടൻ ജയറാം. സുരേഷ് ഗോപിയുടെ വീട്ടിലെ കല്യാണം തന്റെ വീട്ടിലെ വിവാഹം പോലെയാണെന്നും ജയറാം പറഞ്ഞു. കാളിദാസന്റെയും മാളവികയുടെയും വിവാഹത്തെക്കുറിച്ച് ഒരു അഭിമുഖത്തിനിടയിൽ സംസാരിക്കുകയായിരുന്നു ജയറാം.
‘ഈ വർഷത്തെ ഏറ്റവും വലിയ സന്തോഷം കണ്ണന്റെയും ചക്കിയുടെയും വിവാഹമാണ്. സുരേഷേട്ടന്റെ വീട്ടിലെ വിവാഹം എന്റെ വീട്ടിലെ ഒരു കല്യാണം പോലെ തന്നെയാണ്. ഭാഗ്യയുടെ താലികെട്ട് സമയത്ത് ഞാൻ മനസ്സിൽ കണ്ടതും ചക്കിയുടെ വിവാഹം ഗുരുവായൂരിൽ നടക്കുന്നതാണ്.’- ജയറാം പറഞ്ഞു,
2024-ൽ രണ്ട് മക്കളുടെയും വിവാഹം കാണുമെന്ന് ജയറാം മുമ്പും പറഞ്ഞിരുന്നു. കഴിഞ്ഞ വർഷാവസാനത്തിലായിരുന്നു രണ്ട് മക്കളുടെയും വിവാഹ നിശ്ചയം കഴിഞ്ഞത്. മോഡലായ തരിണി കലിംഗരായരാണ് കാളിദാസിന്റെ ഭാവി വധു. വിദേശത്ത് ജോലി ചെയ്യുന്ന നവനീത് ഗിരീഷാണ് മാളവികയുടെ ഭാവി വരൻ.