താനെ: നായർ വെൽഫെയർ അസ്സോസിയേഷന്റെ 26-മത് വാർഷികാഘോഷവും നായർ മഹാസംഗമവും ജനുവരി 28ന്. താനെ ചെക്നാക്കയ്‌ക്കു സമീപമുള്ള സെന്റ്ലോറൻസ് സ്കൂൾ ഹാളിലാണ് പരിപാടി. മഹാരാഷ്‌ട്രാ മുഖ്യമന്ത്രി എക്‌നാഥ്ഷിൻഡെ മുഖ്യാഥിതിയാകും. പ്രശസ്ത സിനിമതാരം സുരേഷ്ഗോപി വിശിഷ്ടാതിഥിയാകും.
രാവിലെ 9.30ന് അസ്സോസിയേഷൻ പ്രസിഡന്റ്‌ ശ്രീകാന്ത് നായർ ഭദ്രദീപം തെളിയിക്കുന്നത്തോടെ ആഘോഷപരിപാടികൾക്ക് തുടക്കമാകും. തുടർന്ന് വനിതാവേദിയുടെയും യുവജനവേദിയുടെയും ആഭിമുഖ്യത്തിൽ വിവിധ കലാപരിപാടികൾ നടക്കും. ഗുരുപൂജ ചടങ്ങിൽ മുതിർന്ന പൗരന്മാരെ ആദരിക്കും. എസ്‌എസ്‌സി പരീക്ഷയിൽ ഉന്നതവിജയം നേടിയ കുട്ടികളെയും ചടങ്ങിൽ അനുമോദിക്കും.
സാംസ്‌കാരിക സമ്മേളനത്തിൽ എം.പി ശ്രീകാന്ത് ഷിൻഡെ, എംഎൽഎമാരായ പ്രതാപ് സർനായ്ക്, രവി ഫാട്ടക്, മേയർ നരേഷ് മസ്‌കെ, മുൻ കോർപറേറ്റർ മനോജ്‌ ഷിൻഡെ, മുംബയിലെ മുതിർന്ന സാമൂഹ്യ പ്രവർത്തകനും വ്യവസായിയുമായ എം കുമാരൻ നായർ എന്നിവർക്ക് പുറമെ താനെയിലെയും മുംബയിലെയും രാഷ്‌ട്രീയ സാമൂഹ്യ സാംസ്‌കാരിക രംഗത്തെ പ്രമുഖർ പങ്കെടുക്കും.
കുടുംബ സംഗമത്തിലെ പ്രധാന ആകർഷണമായ മന്നത്ത് ആചാര്യ പുരസ്‌കാരം യുഡിഎസ്‌ ഗ്രൂപ്പ്‌ ചെയർമാനും ബോംബെ കേരളസമാജം പ്രസിഡന്റും ജനം ടീവി മാനേജിങ് ഡയറക്ടറുമായ എസ്‌ രാജശേഖരൻ നായർക്ക് മുഖ്യാഥിതി സമ്മാനിക്കും. ഉച്ചക്ക് ഒരു മണിക്ക് കലാഭവൻ രാഗേഷും സംഘവും അവതരിപ്പിക്കുന്ന “വിസ്മയ രാവ് “സ്റ്റേജ്ഷോ നടക്കും.
