ന്യൂഡൽഹി: ഡൽഹിയിൽ കെട്ടിടം തകർന്ന് രണ്ട് പേർ മരിച്ചു. വടക്കുകിഴക്കൻ ഡൽഹിയിലെ സീലംപൂരിലാണ് അപകടമുണ്ടായത്. അവശിഷ്ടങ്ങൾക്കടിയിൽ നിന്നും എട്ട് പേരെ രക്ഷപ്പെടുത്തി. കാണാതായവർക്കായി തെരച്ചിൽ തുടരുകയാണെന്ന് അഗ്നിരക്ഷാ സേന അറിയിച്ചു. ഒരു കുടുംബത്തിലെ പത്ത് പേരാണ് ഇവിടെ താമസിച്ചിരുന്നതെന്ന് പ്രദേശവാസികൾ വാർത്ത എജൻസിയോട് പറഞ്ഞു.
രാവിലെ 7:05 ഓടെയാണ് നാല് നില കെട്ടിടം തകർന്ന് വീണത്. ജന്ത കോളനിയിലെ ഗലി നമ്പർ 5 ലെ എ-ബ്ലോക്കിലാണ് അപകടം നടന്നത്. വിവരം ലഭിച്ചയുടൻ പൊലീസ്, അഗ്നിശമന സേന, എൻഡിആർഎഫ് സംഘങ്ങൾ സ്ഥലത്തെത്തി രക്ഷാപ്രവർത്തനം ആരംഭിച്ചു. തകര്‍ന്ന കെട്ടിടത്തിന്റെ ദൃശ്യങ്ങളും പുറത്തുവന്നിട്ടുണ്ട്.
#WATCH | Delhi: Locals help in clearing the debris after a ground-plus-three building collapses in Delhi’s Seelampur. 3-4 people have been taken to the hospital. More people are feared trapped. https://t.co/VqWVlSBbu1 pic.twitter.com/UWcZrsrWOb
— ANI (@ANI) July 12, 2025
ജനങ്ങൾ തിങ്ങിപ്പാർക്കുന്ന പ്രദേശമാണിത്. ഇടുങ്ങിയ റോഡുകളായതിനാൽ രക്ഷാദൗത്യം വെല്ലുവിളിയാണ്. പരിക്കേറ്റവർ ജെപിസി ആശുപത്രിയിൽ ചികിത്സയിലാണ്.
