വന്യമൃഗങ്ങൾ എപ്പോഴും അപകടകാരികളാണെന്ന് നമുക്ക് അറിയാം. മനുഷ്യരും മൃഗങ്ങളും തമ്മിലുള്ള സംഘർഷങ്ങൾ ഇന്നോ ഇന്നലെയോ തുടങ്ങിയതല്ല. മൃഗങ്ങളെ പ്രകോപിപ്പിക്കുമ്പോഴോ അവയ്‌ക്ക് ഇഷ്ടാമില്ലാത്തതോവായ കാര്യങ്ങളിലാണ് ഇവ കൂടുതലായും മനുഷ്യർക്ക് ഭീഷണിയാവുക. അത്തരത്തിൽ ലോകത്തിലെ ഏറ്റവും അപകടകാരികളായ ജീവികൾ ഏതെന്നു നോക്കാം..
അസ്‌കാരീസ് വിരകൾ
മനുഷ്യന്റെ കുടലുകളെ ദോഷകരമായി ബാധിക്കുന്ന വിരകളാണ് അസ്‌കാരിസ് വിരകൾ. ഇവ വന്യമൃഗങ്ങളല്ലെങ്കിലും മനുഷ്യജീവിതത്തിന് അപകടകാരികളായതിനാൽ പട്ടികയിൽ ഉൾപ്പെടുന്നു. വൃത്താകൃതിയിലുള്ള വിരകളാണിവ. ഈ വിരകൾ കുടലിൽ അണുബാധയ്‌ക്കും ശരീരത്തിലെ പോഷക ഘടകങ്ങൾ വലിച്ചെടുത്ത് വിളർച്ച പോലുള്ള രോഗങ്ങൾക്കും വഴിവയ്‌ക്കുന്നു.
വിഷ പാമ്പുകൾ
അപകടകാരികളായ ജീവികളിൽ മുൻപന്തിയിൽ നിൽക്കുന്നവയാണ് പാമ്പുകൾ. ഇവയുടെ കൂട്ടത്തിൽ തന്നെ ഏറ്റവും അപകടകാരികളായ പാമ്പുകളാണ് ബ്ലാക്ക് മാമ്പ. പൊതുവെ ആഫ്രിക്കൻ രാജ്യങ്ങളിലാണ് ഇവയെ കാണപ്പെടുന്നത്. ഇവയുടെ വായിൽ കാണപ്പെടുന്ന കറുത്ത നിറമാണ് ബ്ലാക്ക് മാമ്പ എന്ന പേര് വരാൻ കാരണം. വിഷത്തിന്റെ കാര്യത്തിൽ രണ്ടാം സ്ഥാനം രാജവെമ്പാലയാണ്. ലോകത്തിലെ ഏറ്റവും നീളകൂടിയ പാമ്പുകളിൽ ഒന്നാം സ്ഥാനത്തും വിഷത്തിന്റെ കാര്യത്തിൽ രണ്ടാം സ്ഥാനത്തുമാണ് രാജവെമ്പാല.
സ്രാവുകൾ
നീലത്തിമിംഗലങ്ങളെക്കാൾ അപകടകാരികളാണ് വൈറ്റ് ഷാർക്ക്‌സ് എന്ന് അറിയപ്പെടുന്ന സ്രാവുകൾ. പലപ്പോഴും മുങ്ങൽ വിദഗ്ധർ കടലിൽ സമുദ്രങ്ങളുടെ അടിത്തട്ടിലേക്ക് പോകുമ്പോൾ ഇവയുടെ കണ്ണിൽപ്പെടാതെ വിട്ടുനിൽക്കാൻ ശ്രദ്ധിക്കാറുണ്ട്.
ഹിപ്പോപൊട്ടാമസ്
ഹിപ്പോകളെ ഈ പട്ടികയിൽ കാണുമ്പോൾ ചിലപ്പോൾ അത്ഭുതം തോന്നിയേക്കാം. എന്നാൽ ലോകത്തിലെ അപകടകാരികളായ ജീവികളുടെ പട്ടികയിൽ ഹിപ്പോകളും സ്ഥാനം പിടിക്കുന്നു. ഇവയുടെ അടുത്തേക്ക് വരുന്ന ബോട്ടുകളെയും മറ്റും പ്രകോപനങ്ങളൊന്നും കൂടാതെ തകർത്തെറിയാനുള്ള കഴിവ് ഇവയ്‌ക്കുണ്ട്.
ആഫ്രിക്കൻ സിംഹങ്ങൾ
സിംഹങ്ങളെ പട്ടികയിൽ നിന്നും മാറ്റി നിർത്താൻ സാധിക്കില്ല. ആഫ്രിക്കൻ സിംഹങ്ങളാണ് കൂട്ടത്തിൽ ഏറ്റവും അപകടകാരികളായ സിംഹങ്ങൾ. വെറുതെ ഇവ മനുഷ്യരെ ഉപദ്രവിക്കില്ലെങ്കിലും പ്രകോപനങ്ങൾ ഉണ്ടായാൽ മനുഷ്യരെ കൊല്ലാൻ വരെ ഇവയ്‌ക്ക് സാധിക്കും.
കൊമഡോ ഡ്രാഗൺ
ലോകത്തിലെ ഏറ്റവും വലിയ പല്ലികളാണ് കൊമഡോ ഡ്രാഗൺ. ഇന്തോനേഷ്യൻ ദ്വീപസമൂഹങ്ങളിലാണ് ഇവയെ കൂടുതലായും കാണപ്പെടുന്നത്. ഇവ മനുഷ്യർക്കും മറ്റു വന്യമൃഗങ്ങൾക്കും ഒരു പോലെ അപകടകാരികളാണ്.
