ലിജോ ജോസ് പെല്ലിശ്ശേരിയും മോഹൻലാലും ഒരുമിച്ച ആദ്യചിത്രമാണ് മലൈക്കോട്ടൈ വാലിബൻ. ലോകമെമ്പാടുമുള്ള തീയേറ്ററുകളിൽ റിലീസ് ചെയ്ത ചിത്രം മികച്ച വിജയം നേടി മുന്നേറുകയാണ്. ഇപ്പോഴിതാ കാനഡയിലെ തീയേറ്ററുകളിൽ ചിത്രത്തിന്റെ പ്രദർശനം നിർത്തി വച്ചെന്ന വാർത്തയാണ് പുറത്തുവരുന്നത്.
കാനഡയിലെ തീയേറ്ററുകൾക്ക് നേരെയുണ്ടായ വെടിവെപ്പിനെ തുടർന്നാണ് ചിത്രീകരണം നിർത്തിവച്ചത്. കാനഡയിലെ റിച്ച്മണ്ട് ഹില്ലിലെയും വോണിലേയും തീയേറ്ററുകളിലാണ് വെടിവെപ്പുണ്ടായത്. സംഭവത്തെ തുടർന്ന് കാനഡയിലെ എല്ലാ തീയേറ്ററുകളും താത്ക്കാലികമായി അടച്ചതായാണ് വിവരം. കാനഡയിലെ സിനിപോളിസ് വക്താവാണ് ചിത്രങ്ങളുടെ പ്രദർശനം നിർത്തിവെച്ച കാര്യം അറിയിച്ചത്.
കഴിഞ്ഞ ദിവസം രാവിലെ ജീവനക്കാർ തീയേറ്ററിൽ എത്തിയ സമയത്താണ് റിച്ച്മൗണ്ട് ഹിൽസിലെ തീയേറ്ററിൽ വെടിവെപ്പുണ്ടായത്. തീയേറ്ററിന്റെ ജനലുകൾക്ക് നേരെയായിരുന്നു അക്രമികൾ വെടിയുതിർത്തത്. വൈകിട്ടോടെ വോണിലെ തീയേറ്ററിന് നേരെയും സമാനമായ രീതിയിൽ വെടിവെപ്പുണ്ടാവുകയായിരുന്നു.
