വിശാഖപട്ടണം: ഇംഗ്ലണ്ടിനെതിരായ രണ്ടാം ടെസ്റ്റിനുള്ള പ്ലേയിംഗ് ഇലവനിൽ മുഹമ്മദ് സിറാജിനെ കാണാതെ വന്നതോടെ ആരാധകർ ആശങ്കയിലായിരുന്നു. താരത്തിന് പരിക്ക് പറ്റിയോ എന്നതായിരുന്നു ആരാധകരുടെ പ്രധാന ആശങ്ക. എന്നാൽ രണ്ടാം ടെസ്റ്റിൽ നിന്ന് താരത്തെ ഒഴിവാക്കിയതിന്റെയും പകരക്കാരനായി ആവേശ് ഖാനെ ടീമിലെത്തിച്ചതിന്റെയും കാരണം വ്യക്തമാക്കിയിരിക്കുകയാണ് ബിസിസിഐ.
അടുത്തിടെ സിറാജ് കളിച്ച മത്സരങ്ങളുടെ സമയവും ടെസ്റ്റ് പരമ്പരയുടെ ദൈർഘ്യവും പരിഗണിച്ചാണ് താരത്തെ രണ്ടാം ടെസ്റ്റിൽ നിന്ന് ഒഴിവാക്കിയത്. രാജ്കോട്ടിൽ നടക്കുന്ന മൂന്നാം ടെസ്റ്റിൽ സിറാജ് കളിക്കുമെന്നും ബിസിസിഐ വ്യക്തമാക്കി.
കെ.എൽ രാഹുലിന് പരിക്കേറ്റതോടെ ഇന്ത്യൻ ടീമിലേക്ക് ആദ്യമായി സെലക്ഷൻ ലഭിച്ച സർഫറാസ് ഖാന് പ്ലേയിംഗ് ഇലവനിൽ ഇതുവരെയും അവസരം ലഭിച്ചില്ല.