വന്നവരും നിന്നവരും എല്ലാം പെട്ടെന്ന് മടങ്ങിയപ്പോഴും ഇന്ത്യൻ ഇന്നിംഗ്സിനെ ഒറ്റയ്ക്ക് തോളേറ്റി മുന്നോട്ട് നയിച്ച യുവതാരം യശസ്വി ജയ്സ്വാളിന് വിശാഖ പട്ടണം ടെസ്റ്റിൽ ഇരട്ട സെഞ്ച്വറി. കരിയറി ആദ്യ ഇരട്ട ശതകമാണ് 22-കാരൻ നേടിയത്. രാവിലെ അശ്വിനൊപ്പം ഇന്നിംഗ്സ് ഓപ്പൺ ചെയ്ത താരം ടീം ടോട്ടൽ 400 കടത്താൻ വിസ്ഫോടന ബാറ്റിംഗാണ് കാഴ്ചവച്ചത്. ഇതിനിടെ ആൻഡേഴ്സന് വിക്കറ്റ് നൽകി അശ്വിൻ കൂടാരം കയറി. 20 റൺസായിരുന്നു സമ്പാദ്യം.
വിനോദ് കാംപ്ലിക്കും സുനിൽ ഗവാസ്കറിനും ശേഷം ടെസ്റ്റിൽ ഡബിൾ സെഞ്ച്വറി അടിക്കുന്ന മൂന്നാമത്തെ മാത്രം പ്രായം കുറഞ്ഞ ഇന്ത്യൻ താരമാണ് ജയ്സ്വാൾ. 22 വർഷവും 37 ദിവസുമാണ് പ്രായം. തുടർച്ചയായി സികസും ഫോറും പറത്തിയാണ് താരം കരിയറിലെ സുപ്രധാന നേട്ടം സ്വന്തമാക്കിയത്. മൻസൂർ അലിഖാൻ പട്ടൗഡിയുടെ റെക്കോർഡാണ് യുവതാരം മറികടന്നത്.
290 പന്തിൽ 19 ഫോറും 7 സിക്സുമടക്കമാണ് ജയ്സ്വാൾ 209 റൺസ് നേടിയത്. ഒടുവിൽ ആൻഡേഴ്സന്റെ പന്തിൽ വിക്കറ്റ് കീപ്പർ ബെയ്ർസ്റ്റോക്ക് ക്യാച്ച് നൽകിയാണ് താരം അത്യുഗ്രൻ ഇന്നിംഗ്സിന് വിരാമമിട്ടത്. നിറഞ്ഞ കൈയടികളോടെയാണ് താരത്തെ ആരാധകർ പവലിയനിലേക്ക് യാത്രയാക്കിയത്.
That Leap. That Celebration. That Special Feeling 👏 👏
Here’s how Yashasvi Jaiswal notched up his Double Hundred 🎥 🔽
Follow the match ▶️ https://t.co/X85JZGt0EV#TeamIndia | #INDvENG | @ybj_19 | @IDFCFIRSTBank pic.twitter.com/CUiikvbQqa
— BCCI (@BCCI) February 3, 2024
“>
