ഡെറാഡൂൺ: ശരീഅത്തിന് വിരുദ്ധമായ ഒരു നിയമവും മുസ്ലീങ്ങൾ അംഗീകരിക്കില്ലെന്ന് ജമിയത്ത് ഉലമ-ഇ-ഹിന്ദ് തലവൻ മൗലാന അർഷാദ് മദനി. ഉത്തരാഖണ്ഡ് നിയമസഭയിൽ ഏകീകൃത സിവിൽ കോഡ് അവതരിപ്പിച്ചതിന് പിന്നാലെയാണ് മദനിയുടെ പ്രതീകരണം.
ഏകീകൃത സിവിൽ കോഡ് ബില്ലിന്മേലുള്ള ചർച്ച ഇന്ന് മുതൽ ഉത്തരാഖണ്ഡ് നിയമസഭയിൽ ആരംഭിക്കും. ബില്ലിൽ ആദിവാസികൾക്ക് നൽകിയ ഇളവ് മുസ്ലീങ്ങൾക്കും നൽകണമെന്നാണ് ജമിയത്ത് ഉലമ-ഇ-ഹിന്ദിന്റെ ആവശ്യം. ശരീഅത്തിന് വിരുദ്ധമായ ഒരു നിയമവും ഞങ്ങൾക്ക് അംഗീകരിക്കാൻ കഴിയില്ല. ശരീഅത്തിലും മതത്തിലും വിട്ടുവീഴ്ച ചെയ്യാനാകില്ലെന്നും മദനി പ്രസ്താവനയിൽ പറഞ്ഞു.
ചൊവ്വാഴ്ചയാണ് ഉത്തരാഖണ്ഡ് സർക്കാർ ഏകീകൃത സിവിൽ കോഡ് ബിൽ നിയമസഭയിൽ അവതരിപ്പിച്ചത്. നിയമസഭയുടെ പ്രത്യേക സമ്മേളനത്തിൽ മുഖ്യമന്ത്രി പുഷ്കർ സിംഗ് ധാമിയാണ് ബിൽ കൊണ്ടുവന്നത്. ഏകീകൃത സിവിൽ കോഡിന് കീഴിൽ, എല്ലാ മതങ്ങളിലെയും പൗരന്മാർക്ക് തുല്യ നിയമങ്ങൾ ബാധമാകും. ബില്ലിൽ നിന്ന് ആദിവാസി സമൂഹത്തെ ഒഴിവാക്കിയിട്ടുണ്ട്. ലിവിംഗ് ടുഗെദർ ബന്ധങ്ങളുടെ രജിസ്ട്രേഷനും നിർബന്ധമാക്കിയിട്ടുണ്ട്.
