ഏറെ നാളത്തെ പ്രണയത്തിനൊടുവിൽ കഴിഞ്ഞ ദിവസമാണ് ബോളിവുഡ് താരങ്ങളായ രാകുൽ പ്രീത് സിംഗും ജാക്കി ഭഗ്‌നാനിയും വിവാഹിതരായത്. ഗോവയിൽ വച്ച് നടന്ന ലളിതമായ ചടങ്ങിൽ ബന്ധുക്കളും അടുത്ത സുഹൃത്തുക്കളും സഹപ്രവർത്തകരും മാത്രമാണ് പങ്കെടുത്തത്. ഇപ്പോഴിതാ താരദമ്പതികൾക്ക് ആശംസകൾ അറിയിച്ചിരിക്കുകയാണ് പ്രധാനമന്ത്രി നരേന്ദ്രമോദി. കത്തിലൂടെ ഇരുവർക്കും പ്രധാനമന്ത്രി ആശംസ അറിയിച്ചത്. സമൂഹമാദ്ധ്യമങ്ങളിലൂടെ ജാക്കി ഭഗ്‌നാനി കത്ത് പങ്കുവച്ചു.
‘ നവ ദമ്പതിമാർക്ക് എന്റെ ആശംസകൾ. വിശ്വാസത്തിന്റെയും ഒരുമയുടെയും ഈ യാത്ര ആരംഭിക്കുകയാണ്. ഇരുവർക്കും എന്റെ ഹൃദയം നിറഞ്ഞ അഭിനന്ദനങ്ങളും ആശംസകളും നേർന്നുകൊള്ളുന്നു. ഇനിയുള്ള വർഷങ്ങൾ നിങ്ങൾക്ക് പരസ്പരം മനസ്സിലാക്കാനുള്ള അവസരമാണ്. മുന്നോട്ടുള്ള ഓരോ ദിനവും പരസ്പര വിശ്വാസത്തോടെ മുന്നോട്ടുപോവുക.
‘നിങ്ങളുടെ മനസും ഹൃദയവും ചിന്തകളും എന്നും ഒന്നായിരിക്കട്ടെ. സ്വപ്നങ്ങളും അഭിലാഷങ്ങളും കൈകോർത്ത് സ്വന്തമാക്കാൻ സാധിക്കട്ടെ. ഈ ജീവിതയാത്രയിൽ തികഞ്ഞ പങ്കാളികളായിമാറട്ടെ. വിവാഹ ചടങ്ങിലേക്ക് എന്നെ ക്ഷണിച്ചതിന് ഹൃദയം നിറഞ്ഞ നന്ദി. ഈ സുപ്രധാന അവസരത്തിൽ ഞാൻ ഒരിക്കൽ കൂടി എന്റെ ആശംസകൾ അറിയിക്കുന്നു. പ്രധാനമന്ത്രി കുറിച്ചു’.
