ബോളിവുഡ് താരം യാമി ഗൗതമിനെ കേന്ദ്ര കഥാപാത്രമാക്കി പുറത്തിറങ്ങിയ ആർട്ടിക്കിൾ 370 വൻ പ്രേക്ഷകപ്രീതിയാണ് നേടുന്നത്. നവാഗതനായ ആദിത്യ സുഹാസ് ജാംബലെയുടെ സംവിധാനത്തിൽ പിറന്ന സിനിമ, ഇന്ത്യ ഉറ്റു നോക്കിയ ആ ഉറച്ച തീരുമാനത്തിന്റെ നേർക്കാഴ്ചയാണ് ജനങ്ങളിലേക്ക് എത്തിക്കുന്നത്. 2019 ആഗസ്റ്റ് 5! ആ ദിവസം ഇന്ത്യയെ സംബന്ധിച്ചിടത്തോളം ഒരു സുപ്രധാന ദിനമായിരുന്നു. ജമ്മുകശ്മീരിന്റെ പ്രത്യേക പദവി എടുത്തു കളയാൻ കേന്ദ്രസർക്കാരിന് ഊർജ്ജം നൽകിയ ദിവസം. അന്ന് ജമ്മുക്ശ്മീരിന് പ്രത്യേക പദവിയും അധികാരവും അനുവദിക്കുന്ന ആർട്ടിക്കിൾ 35Aയും ഇല്ലാതായി. ഈ സുപ്രധാന തീരുമാനം സിനിമയായി പ്രേക്ഷകരുടെ മുന്നിൽ എത്തിയപ്പോൾ ഏവരും ഇരു കയ്യും നീട്ടി ചിത്രത്തെ സ്വീകരിച്ചിരിക്കുകയാണ്. സിനിമ ഇറങ്ങി മണിക്കൂറുകൾ പിന്നിടുമ്പോൾ വൻ സ്വീകാര്യതയാണ് ചിത്രത്തിന് ലഭിക്കുന്നു എന്നത് രാജ്യത്തിന്റെ അഭിമാനം വാനോളം ഉയർത്തുന്നു.
” ഒരു പവർ പാക്കഡ് സിനിമയാണ് ആർട്ടിക്കിൾ 370. വിജ്ഞാനപ്രദവും ആകർഷകവും എന്നാൽ സത്യത്തിന്റെ നേർക്കാഴ്ചയും കാണിച്ചു തരുന്ന സിനിമ. യാമി ഗൗതമിന്റെ നാളിതു വരെ ചെയ്ത സിനിമകൾ എടുത്തു നോക്കിയാൽ മിന്നും പ്രകടനം കാഴ്ചവച്ച സിനിമയായിരിക്കും ആർട്ടിക്കിൾ 370 എന്നതിൽ തർക്കമില്ല. അവാർഡിന് അർഹമായ പ്രകടനമാണ് അവർ കാഴ്ച വച്ചത്. പ്രിയാമണിയും ചിത്രത്തിന്റെ അവിഭാജ്യ ഘടകമാണ്. ചിത്രത്തെ മനോഹരമാക്കിയതിൽ സംവിധായകൻ ആദിത്യ സുഹാസ് ജാംബലെ കയ്യടി അർഹിക്കുന്നു. പ്രധാനമന്ത്രിയായി എത്തിയ അരുൺഗോവിൽ, ആഭ്യന്തരമന്ത്രിയായി എത്തിയ കിരൺകർമാർകർ എന്നിവരും പ്രത്യേക അഭിനന്ദനങ്ങൾ അർഹിക്കുന്നു.”- ഡയറക്ടർ തരൺ ആദർശ് എക്സിൽ കുറിച്ചു.
#OneWordReview…#Article370: POWER-PACKED.
Rating: ⭐⭐⭐⭐️#Article370 is cinema at its best: Enlightening, engaging and impactful… This is truly #YamiGautam’s best work to date, is terrific, puts up an award-worthy act… #PriyaMani excels… MUST, MUST WATCH!… pic.twitter.com/mO2MDd8GeU— taran adarsh (@taran_adarsh) February 23, 2024
കശ്മീരിലെ വിഘടനവാദവും തീവ്രവാദവും അവസാനിപ്പിക്കാൻ കേന്ദ്രസർക്കാർ ആർട്ടിക്കിൾ 370 പിൻവലിച്ചു. ഇതിനെ ആസ്പദമാക്കിയാണ് സിനിമ ഒരുങ്ങിയിരിക്കുന്നത്. നിയമം റദ്ദാക്കാൻ കേന്ദ്രസർക്കാർ സ്വീകരിച്ച മുന്നൊരുക്കങ്ങളും ഇതിനായി കശ്മീർ താഴ്വരയിൽ പ്രവർത്തിച്ച പ്രത്യേക സുരക്ഷാ സംഘത്തിന്റെയും കഥയാണ് ‘ആർട്ടിക്കിൾ 370’. ‘ഉറി ദ സർജിക്കൽ സ്ട്രൈക്ക്’ എന്ന സിനിമയുടെ സംവിധായകൻ ആദിത്യ ധാർ, മൊണാൽ താക്കർ എന്നിവർ ചേർന്നാണ് ‘ആർട്ടിക്കിൾ 370’യുടെ തിരക്കഥ ഒരുക്കിയിരിക്കുന്നത്. ജ്യോതി ദേശ്പാണ്ഡെ, ആദിത്യ ധാർ, ലോകേഷ് ധാർ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. പടത്തിന്റെ റിലീസ് ദിവസത്തിൽ തന്നെ കോടികൾ വാരുമെന്നാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്.