കനേഡിയൻ നടനും ക്യാപ്റ്റൻ മാർവൽ താരവുമായ കെന്നത്ത് മിച്ചൽ അന്തരിച്ചു. 49-ാം വയസിലാണ് നടന്റെ അപ്രതീക്ഷിത വിയോഗം. ആറുവർഷമായി അമിട്രോഫിക് ലാറ്ററല് സ്ക്ലീറോസിസ് എന്ന രോഗത്തിന് ചികിത്സയിലായിരുന്ന നടന്റെ വിയോഗവാർത്ത പുറത്തുവിട്ടത് കുടുംബമാണ്. നടി സൂസന് മേ പ്രാറ്റാണ് മിച്ചലിന്റെ ഭാര്യ. ഒരു മകളും മകനുമുണ്ട്.
മിറാക്കിള്, ദ റിക്രൂട്ട്, ക്യാപ്റ്റന് മാര്വെല് തുടങ്ങിയ ചിത്രങ്ങളിൽ പ്രധാന കഥാപാത്രങ്ങളെ അവതരിപ്പിച്ച താരം അമ്പതിലേറെ ടെലിവിഷൻ സീരിസുകളുടെയും ഭാഗമായിരുന്നു. 2022 ല് പുറത്തിറങ്ങിയ ദ ഓള്ഡ് മാനിലാണ് താരം ഏറ്റവും ഒടുവിൽ അഭിനയിച്ചത്.
കാനഡയിലെ ടൊറന്റോയിൽ ജനിച്ച മിച്ചൽ ‘നോ മാന്സ് ലാന്റ് ‘എന്ന ഹ്രസ്വചിത്രത്തിലൂടെയാണ് അഭിനയത്തിലേക്ക് ചുവട് വയ്ക്കുന്നത്. ജെറുക്കോ, സ്റ്റാര് ട്രെക്ക്; ഡിസ്കവറി എന്നിവയാണ് ശ്രദ്ധേയമായ സീരീസുകള്.
View this post on Instagram
“>
View this post on Instagram
