കാലിലെ ആങ്കിളിനുണ്ടായ പരിക്കിനെ തുടർന്ന് നടത്തിയ ശസ്ത്രക്രിയക്ക് പിന്നിലെ വിശ്രമിക്കുന്ന ഷമിക്ക് ആശ്വാസം ചൊരിഞ്ഞ് പ്രധാനമന്ത്രി നരേന്ദ്ര മോദി. ഷമി പങ്കുവച്ച കുറിപ്പ് ഷെയർ ചെയ്തുകൊണ്ടാണ് പ്രധാനമന്ത്രി പേസർക്ക് ആശംസകൾ നേർന്നത്. ‘അതിവേഗം പരിക്കിൽ നിന്ന് മുക്തനായി പൂർണ ആരോഗ്യവാനായി തിരിച്ചെത്താൻ കഴിയട്ടെ.എനിക്കുറപ്പുണ്ട്, നിങ്ങൾ ഈ പരിക്കിനെ സധൈര്യം മറികടക്കുമെന്ന്” – നരേന്ദ്ര മോദി എക്സിൽ കുറിച്ചു.
ശസ്ത്രക്രിയ വിജയകരമെന്ന് ഇന്ത്യൻ പേസർ വ്യക്തമാക്കിയിരുന്നു. ഏകദിന ലോകകപ്പിലാണ് താരം അവസാനമായി കളിച്ചത്. ടൂർണമെന്റിൽ പരിക്കുമായി കളിച്ച താരം, വേദന മറികടക്കാൻ മത്സരത്തിന് തൊട്ടുമുൻപ് കുത്തിവയ്പ്പുകൾ എടുത്തിരുന്നു. ഫൈനലിൽ ഇന്ത്യക്ക് കാലിടറിയെങ്കിലും 24 വിക്കറ്റുമായി ടൂർണമെന്റിലെ മികച്ച വിക്കറ്റുവേട്ടക്കാരനായിരുന്നു ഷമി. ഐപിഎല്ലും ചിലപ്പോൾ ടി20 ലോകകപ്പും താരത്തിന് നഷ്ടമാകുമെന്നാണ് സൂചന.
Wishing you a speedy recovery and good health, @MdShami11! I’m confident you’ll overcome this injury with the courage that is so integral to you. https://t.co/XGYwj51G17
— Narendra Modi (@narendramodi) February 27, 2024
“>
