മുംബൈ: ഓഫീസിന്റെ സ്വീകരണ മുറിയിലെ സോഫയിലിരുന്ന് മൊബൈൽ ഫോണിൽ ഗെയിം കളിക്കുന്നതിന്റെ തിരക്കിലായിരുന്നു 12 കാരൻ. അതിനിടയിലാണ് ഒരു പുള്ളിപ്പുലിയുടെ എൻട്രി കുട്ടിയുടെ ശ്രദ്ധയിൽ പെട്ടത്. ഇതിന് പിന്നാലെ ശബ്ദമുണ്ടാക്കാതെ അവൻ മുറിയുടെ വാതിലടച്ച് പുറത്തിറങ്ങി. ശ്വാസമടക്കി മാത്രം കാണാവുന്ന ഈ വീഡിയോ സമൂഹ മാദ്ധ്യമങ്ങളിൽ വൈറലാണ്.
മഹാരാഷ്ട്രയിലെ മാലേഗാവിൽ നിന്നുള്ള ദൃശ്യങ്ങളാണിത്. ഹാളിൻെറ പ്രധാന വാതിൽ തുറന്നു കിടക്കുകയായിരുന്നു. ഇതിലൂടെയാണ് പുള്ളിപ്പുലി ഉള്ളിൽ കയറിയത്. കുട്ടി മുറിയുടെ വാതിലടച്ച് പുറത്തിറങ്ങി ബഹളം വെച്ചതൊടെ നാട്ടുകാർ വനംവകുപ്പിനെ വിവരമറിയിച്ചു. തുടർന്ന് ലോക്കൽ പോലീസും വനംവകുപ്പ് സംഘവും എത്തി പുലിയെ പിടി കൂടി.
വീഡിയോ സമൂഹ മാദ്ധ്യമങ്ങളിൽ പ്രചരിച്ചതൊടെ 12 കാരന്റെ അസാമാന്യമായ ധൈര്യത്തെ പ്രശംസിച്ച് നിരവധി പേരാണ് കമന്റ് ചെയ്തിരിക്കുന്നത്. എത്ര ശാന്തമായാണ് കുട്ടി പ്രശ്നം കൈകാര്യം ചെയ്തതെന്ന അതിശയമാണ് വീഡിയോയ്ക്ക് താഴെ നിറയുന്നത്.
വീഡിയോ കാണാം….
Malegaon, Maharashtra📍
A leopard came inside an office.
12 year old Mohit Ahire smartly locked door from outside until assistance arrived.
Leopard rescued. No body hurt.@rashtrapatibhvn must consider him for Rashtriya Bal Puraskar.
CC: @smritiirani pic.twitter.com/vWj4OfVyGo
— Shashank Shekhar Jha (@shashank_ssj) March 6, 2024