വനിതാ ദിനത്തിൽ അമ്മയ്ക്ക് ഇഷ്ട വിഭവമായ പനീർ ടിക്ക പാചകം ചെയ്ത് നൽകി നടൻ രാം ചരൺ. ഭാര്യ ഉപാസാന സമൂഹമാദ്ധ്യമങ്ങളിൽ പങ്കുവച്ച വീഡിയോ ആരാധക ശ്രദ്ധ നേടുകയാണ്. രാം ചരണിന്റെയും അമ്മയുടെയും തിരക്കിട്ട പാചക പാചക പരീക്ഷണം പകർത്തിയതും ഉപാസനയാണ്. വിമൻസ് ഡേ സ്‌പെഷ്യൽ എന്ന കുറിപ്പോടെയാണ് വീഡിയോ പങ്കുവച്ചത്.
ഓറഞ്ച് നിറത്തിലുള്ള വസ്ത്രം ധരിച്ച് അതീവ സുന്ദരനായി രാം ചരണിനെ വീഡിയോയിൽ കാണാം. നടന്റെ പാചക പരിപാടികൾക്കിടെ ദോശ തയ്യാറാക്കാനായി അമ്മ എത്തിയെങ്കിലും അനുവദിക്കാതെ അതും രാം ചരൺ തന്നെ ഏറ്റെടുക്കുകയായിരുന്നു. നിരവധിപ്പേരാണ് വീഡിയോയ്‌ക്ക് ചുവടെ ആശംസകളുമായി എത്തിയത്.
View this post on Instagram
എസ് ഷങ്കർ സംവിധാനം ചെയ്യുന്ന ‘ഗെയിം ചേഞ്ചർ’ആണ് രാം ചരൺ നായകനാകുന്ന ഏറ്റവും പുതിയ സിനിമ. പൊളിറ്റിക്കൽ ഡ്രാമയായി ഒരുങ്ങുന്ന ചിത്രത്തിൽ കിയാര അദ്ധ്വാനിയാണ് നായിക. എസ്‌ജെ സൂര്യ, ജയറാം എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ആർസി 16 എന്ന് താത്ക്കാലികമായി പേര് നൽകിയിരിക്കുന്ന ചിത്രത്തിലും രാം ചരൺ നായകനാകും. ജാൻവി കപൂറാണ് നായികയായി എത്തുക.
