മനാമ: പാലക്കാട് ആർട്സ് ആൻഡ് കൾച്ചറൽ തിയേറ്ററിന്റെ നേതൃത്വത്തിൽ നടന്ന പരിപാടിയിൽ വിദ്യാർത്ഥികളെ ആദരിച്ചു. ഇന്ത്യൻ ഡിലൈറ്റ് റെസ്റ്റോറൻ്റിൽ വച്ചാണ് ചടങ്ങ് നടന്നത്. പ്രമുഖ വ്യക്തികളുടെ വിജ്ഞാനപ്രദവും പ്രചോദിപ്പിക്കുന്നതുമായ പ്രസംഗ സെഷനുകളോടെയാണ് വിദ്യാർത്ഥികളെ ആദരിച്ചത്. മുഖ്യാതിഥിയായി ഡോ. രവി വാര്യരും വിശിഷ്ടാതിഥിയായി പത്മകുമാർ നായരും പങ്കെടുത്തു. ബഹ്‌റൈനിലെ വിവിധ സ്‌കൂളുകളിലെ 10, 12 ക്ലാസിലെ 42കുട്ടികളും രക്ഷിതാക്കളുമാണ് ചടങ്ങിൽ പങ്കെടുത്തത്.
17-ാം വർഷമാണ് ഇത്തരമൊരു പരിപാടി വിജയകരമായി നടത്തുന്നതെന്ന് ചീഫ് കോർഡിനേറ്റർ ജ്യോതി മേനോൻ പറഞ്ഞു. പുതിയ എക്‌സിക്യൂട്ടീവ് കമ്മിറ്റി അംഗങ്ങളായ ജഗദീഷ് കുമാർ, സുധീർ, ഷീബ ശശി എന്നിവരും പരിപാടിയിൽ പങ്കെടുത്തു. കൂടാതെ ബഹ്റൈൻ സന്ദർശിക്കുന്ന അംഗങ്ങളുടെ മാതാപിതാക്കളെ എല്ലായ്‌പ്പോഴും ആദരിക്കുന്നുവെന്ന് പ്രസിഡൻ്റ് അശോക് കുമാറും ജനറൽ സെക്രട്ടറി സതീഷും പറഞ്ഞു. അസിസ്റ്റൻ്റ് സെക്രട്ടറി ദീപക് വിജയൻ വിദ്യാർത്ഥികൾക്കും വിശിഷ്ട വ്യക്തികൾക്കും അംഗങ്ങൾക്കും നന്ദി അറിയിച്ചു.
