ന്യൂഡൽഹി : സി എ എ , ഹിന്ദു വിരുദ്ധ കലാപങ്ങൾക്ക് മറ പിടിച്ച ജെ എൻ യുവിനെ ആസ്പദമാക്കിയുള്ള ചിത്രത്തിന്റെ ടീസർ പുറത്ത് . ടീസറിൽ വിദ്യാർത്ഥി രാഷ്‌ട്രീയവും സർവകലാശാലയ്‌ക്കുള്ളിൽ നടക്കുന്ന രാഷ്‌ട്രീയ പ്രവർത്തനങ്ങളും മറ്റും കാണിക്കാൻ ശ്രമിച്ചിട്ടുണ്ട്. ജെഎൻയു പോലൊരു സർവ്വകലാശാല ‘ദേശവിരുദ്ധ പ്രവർത്തനങ്ങളുടെ’ കേന്ദ്രമായി മാറിയതിന്റെ കഥയാണിത്.
കഴിഞ്ഞ കുറച്ച് വർഷങ്ങളായി സർവ്വകലാശാല വിദ്യാർത്ഥി രാഷ്‌ട്രീയത്തിന്റെ പേരിൽ രാജ്യത്തെ തകർക്കാൻ ശ്രമിച്ചത് എങ്ങനെ, ദേശവിരുദ്ധ മുദ്രാവാക്യങ്ങൾ നൽകിയത് എങ്ങനെ, സർക്കാർ ഏജൻസികളുടെ പ്രവർത്തനം എങ്ങനെയെന്നും ടീസറിൽ വ്യക്തമാണ്. മാത്രമല്ല വലതു-ഇടത് ആശയങ്ങൾ തമ്മിലുള്ള പോരാട്ടവും ഈ സിനിമയിൽ കാണാം ഇതോടൊപ്പം തെരഞ്ഞെടുപ്പ് കാലത്തെ അന്തരീക്ഷവും ടീസറിൽ കാണിച്ചിട്ടുണ്ട്. പ്രധാനമന്ത്രി നരേന്ദ്ര മോദിയുടെ ഒരു വലിയ ഹോർഡിംഗും ചിത്രത്തിന്റെ ഒരു രംഗത്തിൽ ദൃശ്യമാണ്.
ചിത്രത്തിന്റെ ടീസറിൽ രവി കിഷനും പോലീസ് വേഷത്തിൽ എത്തുന്നു.വിനയ് ശർമ തിരക്കഥയെഴുതി സംവിധാനം ചെയ്യുന്ന സിനിമയുടെ പേര് ‘ജെഎൻയു: ജഹാംഗീര്‍ നാഷനൽ യൂണിവേഴ്സിറ്റി’ എന്നാണ്. ഉർവശി റൗട്ടേല, സിദ്ധാർഥ് ബോഡ്കെ, പിയൂഷ് മിശ്ര, റഷമി ദേശായി, സൊണാലി സെയ്ഗാൾ, രവി കിഷൻ, വിജയ് റാസ് എന്നിവരാണ് ചിത്രത്തിലെ അഭിനേതാക്കൾ.
