മുംബൈ: ഇന്ത്യൻ തിയേറ്ററുകളിൽ തരംഗം തീർത്ത കാന്താരയുടെ പ്രീക്വലിന്റെ ഷൂട്ടിംഗ് തുടരവെ ഒരു വമ്പൻ അപ്ഡേറ്റാണ് പുറത്തുവന്നിരിക്കുന്നത്. ചിത്രത്തിന്റെ ഒടിടി സ്ട്രീമിംഗ് അവകാശം ആമസോൺ സ്വന്തമാക്കിയെന്നതാണ് വാർത്ത. റെക്കോർഡ് തുകയ്‌ക്കാണ് ഷൂട്ടിംഗ് പോലും തീരാത്ത ചിത്രത്തിന്റെ ഒടിടി അവകാശം വിറ്റുപോയത്. ആമസോണ്‍ പ്രൈം വീഡിയോസിന്‍റെ പുതുവർഷത്തിലെ പരിപാടികൾ പ്രഖ്യാപിക്കുന്ന വേദിയിലാണ് കാന്താര ചാപ്റ്റർ 1ന്റെ കാര്യവും അവർ പരസ്യമാക്കിയത്. നായകൻ ഋഷഭ് ഷെട്ടിയും എത്തിയിരുന്നു.
പോയവർഷം ചിത്രത്തിന്റെ ഉഗ്രൻ ടീസർ അണിയറ പ്രവർത്തകർ പുറത്തുവിട്ടിരുന്നു. ആഗോളതലത്തിൽ ശ്രദ്ധിക്കപ്പെട്ട ടീസറിൽ വ്യക്തമാവുന്നത് ആദ്യ ഭാഗത്തെക്കാളും വലിയ ബജറ്റിലാണ് രണ്ടാം ഭാഗം ഒരുങ്ങുന്നതെന്നാണ്. ഋഷഭ് ഷെട്ടി തന്നെയാണ് രചനയും സംവിധാനവും നിർവഹിക്കുന്നത്. കഴിഞ്ഞ ഡിസംബറിലാണ് ചിത്രത്തിന്റെ ഷൂട്ടിംഗ് ആരംഭിച്ചത്.
ആമസോണ്‍ പ്രൈം വീഡിയോ എത്ര തുക മുടക്കിയാണ് ചിത്രത്തിന്റെ അവകാശം സ്വന്തമാക്കിയതെന്ന് വ്യക്തമാക്കിയിട്ടില്ല. ഹോംബാലെ ഫിലിംസ് തന്നെയാണ് ചിത്രത്തിന്റെ നിര്‍മാണം. തിയേറ്റർ റിലീസിന് ശേഷമാകും ചിത്രം ഒടിടിയിൽ എത്തുക. ആരാധകർക്ക് ഏറെ പ്രതീക്ഷയുള്ള ചിത്രങ്ങളിൽ മുൻനിരയിലാണ് കാന്താര ചാപ്റ്റർ 1.
View this post on Instagram
“>
View this post on Instagram
