എന്നിൽ വിശ്വാസമർപ്പിച്ചതിന് നന്ദി; പ്രധാനമന്ത്രിയ്‌ക്ക് നന്ദി അറിയിച്ച് കെ അണ്ണാമലൈ

ചെന്നൈ: തമിഴ്‌നാട്ടിലെ കോയമ്പത്തൂർ ലോക്‌സഭാ മണ്ഡലത്തിലെ സ്ഥാനാർത്ഥി പ്രഖ്യാപനത്തിന് പിന്നാലെ പ്രധാനമന്ത്രി നരേന്ദ്രമോദിയ്‌ക്ക് നന്ദി അറിയിച്ച് തമിഴ്‌നാട് ബിജെപി അദ്ധ്യക്ഷൻ കെ അണ്ണാമലൈ. എക്സിലൂടെയാണ് അണ്ണാമലൈ നന്ദി അറിയിച്ചത്.

“എന്നിൽ വിശ്വാസമർപ്പിച്ചതിനും കോയമ്പത്തൂരിൽ നിന്ന് മത്സരിക്കാൻ എന്നെ പ്രേരിപ്പിച്ചതിനും പ്രധാനമന്ത്രിയ്‌ക്ക് ഹൃദയം നിറഞ്ഞ നന്ദി. തമിഴ്നാട് ജനതയെ വികസനത്തിന്റെ പാതയിലേക്ക് നയിക്കുന്നതിന് വേണ്ടി പ്രവർത്തിക്കും. സംസ്ഥാനത്ത് നടക്കാനിരിക്കുന്ന രാഷ്‌ട്രീയ മാറ്റത്തിനായി ഞാൻ കാത്തിരിക്കുകയാണ്. ബിജെപി ദേശീയ അദ്ധ്യക്ഷൻ ജെപി നദ്ദ, കേന്ദ്ര ആഭ്യന്തര മന്ത്രി അമിത് ഷാ എന്നീ നേതാക്കൾക്ക് നന്ദി. വരാനിരിക്കുന്ന ലോക്സഭാ തെരഞ്ഞെടുപ്പിൽ ബിജെപി 400-ലധികം സീറ്റുകൾ നേടുമെന്ന ഉറച്ച വിശ്വാസം എനിക്കുണ്ട്- അണ്ണാമലൈ എക്സിൽ കുറിച്ചു.

Heartfelt thanks to our beloved PM Thiru @narendramodi avl for constituting his faith in me and making me to contest from Coimbatore in the 2024 Parliamentary election. This comes at a time when the people of TN are awaiting a political change that will take TN towards the…

— K.Annamalai (மோடியின் குடும்பம்) (@annamalai_k) March 21, 2024

കഴിഞ്ഞ ദിവസമാണ് തമിഴ്‌നാട്ടിലെ ഒമ്പത് ലോക്‌സഭാ സ്ഥാനാർത്ഥികളുടെ പട്ടിക ബിജെപി പുറത്തിറക്കിയത്. ലോക്‌സഭാ തെരഞ്ഞെടുപ്പിനുള്ള ബിജെപിയുടെ മൂന്നാമത്തെ പട്ടികയാണിത്. ഏപ്രിൽ 19-ന് തമിഴ്‌നാട്ടിലെ 39 സീറ്റുകളിലേക്കുള്ള ആദ്യഘട്ട വോട്ടെടുപ്പ് നടക്കും.