താര കല്യാണിന്റെ ശബ്ദം നഷ്ടപ്പെട്ടു എന്ന തരത്തിൽ അടുത്തിടെ നിരവധി വാർത്തകൾ പുറത്തുവന്നിരുന്നു. വോയ്‌സ് ഡിസോർഡറായ സ്‌പാസ്‌മോഡിക് ഡിസ്‌ഫോണിയ എന്ന ആരോഗ്യ പ്രശ്നത്തെ തുടർന്ന് ചികിത്സയിലാണ് താരാ കല്യാൺ. ഇതേ തുടർന്ന് സർജറി കഴിയുകയും ശബ്ദം നഷ്ടപ്പെടുകയും ചെയ്തതായി മകൾ സൗഭാഗ്യ അറിയിക്കുകയും ചെയ്തിരുന്നു. ഇപ്പോഴിതാ സർജറിയെ കുറിച്ച് പങ്കുവക്കുകയാണ് താരാ കല്യാൺ. സംസാരിക്കാൻ സാധിക്കാത്തതിനാൽ സൗഭാഗ്യയാണ് വീഡിയോയിൽ സംസാരിക്കുന്നത്.
‘ഭയങ്കര സ്ട്രെയിൻ എടുത്താണ് അമ്മ സംസാരിക്കുന്നത്. സർജറി സമയത്ത് ബിപിയും ഷുഗറും ഒന്നും ഇല്ലായിരുന്നു. ഓരോ വാക്ക് പറയുമ്പോഴും അമ്മക്ക് നെഞ്ചുവേദനയാണ്. രാവിലെ എട്ട് മണിക്ക് അമ്മയെ സർജറി റൂമിലേക്ക് കൊണ്ടുപോയി. ഒരു മണിക്കൂർ മാത്രമേ ഉണ്ടാകുകയുള്ളു. സാധാരണയായി സംസാരിക്കുന്നത് പോലെ അമ്മക്ക് ഇപ്പോൾ സംസാരിക്കാൻ സാധിക്കില്ല. എന്തായാലും എല്ലാം ഭംഗിയായി കഴിഞ്ഞു. വലിയ കടമ്പ ഇതോടുകൂടി കഴിഞ്ഞുവെന്ന് വിശ്വസിക്കാനാണ് ഞാൻ ആഗ്രഹിക്കുന്നത്. 90 ശതമാനം ആളുകളിലും ഇത് വിജയിക്കുമെന്ന് ഡോക്ടർ പറഞ്ഞിരുന്നു’- സൗഭാഗ്യ വീഡിയോയിൽ പറയുന്നു.
മുമ്പും താരാ കല്യാണിന്റെ അസുഖാവസ്ഥകുറിച്ചുള്ള വിവരങ്ങൾ സൗഭാഗ്യ പങ്കുവച്ചിരുന്നു. തലച്ചോറില്‍ നിന്ന് വോക്കല്‍ കോഡിലേക്ക് നല്‍കുന്ന നിര്‍ദ്ദേശം അബ്നോർമൽ ആകുന്ന ഒരു അവസ്ഥയാണ് അമ്മക്കെന്നും എന്തുകൊണ്ടാണ് ഈ രോഗം വന്നതെന്ന് കണ്ടെത്തിയിട്ടില്ലെന്നും സൗഭാഗ്യ പറഞ്ഞിരുന്നു.
