കൂട്ടുകാർക്കൊപ്പം കളിച്ചും ഓടിനടന്നും ചെലവഴിക്കാനുള്ളതാണ് അവധിക്കാലം. ഏറെ കൊതിച്ച യാത്രകൾ നടത്തുന്നതും ഇക്കാലത്താണ് . അടുത്ത സ്ഥലത്തേക്കാണ് പോകുന്നതെങ്കിലും അത് കുട്ടികൾക്ക് ആശ്വാസം നൽകും. മുത്തശ്ശിയെയും മുത്തച്ഛനെയുമൊക്കെ കാണാൻ നാട്ടിലേക്ക് വരാൻ പലർക്കും അവസരം ഒരുങ്ങുന്നത് ഈ വേനലവധി കാലത്താണ്‌.
വേനലവധിക്കാലത്ത് ഡൽഹിയിൽ നിന്ന് കേരളത്തിലേക്കുളള യാത്രയ്‌ക്ക് വലിയ തിരക്കാണ് അനുഭവപ്പെടുന്നത്. ഡൽഹിയിൽ വർഷങ്ങളായി താമസിക്കുന്ന പലരും കുടുംബമായി നാട്ടിലെത്തി മടങ്ങുന്നതും ഈ സമയത്താണ്. ഇന്ദ്രപ്രസ്ഥത്തിൽ നിന്ന് കേരളത്തിലേയ്ക്ക് വേഗമെത്താനുള്ള യാത്രാമാർഗ്ഗങ്ങൾ നോക്കാം
ഇന്ദിരാഗാന്ധി വിമാനത്താവളത്തിൽ നിന്ന് കൊച്ചിയിലേയ്‌ക്ക് എയർ ഇന്ത്യ , ഇൻഡിഗോ , വിസ്താര എന്നീ കമ്പനികൾ സർവീസ് നടത്തുന്നുണ്ട് . 6000 രൂപ മുതലാണ് ടിക്കറ്റ് നിരക്കുകൾ . രാജ്യത്തിന്റെ തലസ്ഥാനമായ ന്യൂഡൽഹിയിലെ ഹസ്രത്ത് നിസാമുദ്ദീനെ തിരുവനന്തപുരം സെൻട്രലുമായി ബന്ധിപ്പിക്കുന്ന ട്രെയിനാണ് രാജധാനി . മൂന്നു ദിവസമെടുത്ത് 3149 കിലോമീറ്റർ ദൂരം 41 മണിക്കൂര്േഡ 15 മിനിറ്റിലാണ് തിരുവനന്തപുരം രാജധാനി എക്സ്പ്രസ് പിന്നിടുന്നത്.
തിരുവനന്തപുരത്ത് നിന്ന് ആഴ്ചയിൽ ചൊവ്വ, വ്യാഴം, വെള്ളി ദിവസങ്ങളിലും ഹസ്രത്ത് നിസാമുദ്ദീനിൽ നിന്ന് ഞായർ, ചൊവ്വ, ബുധൻ ദിവസങ്ങളിലുമാണ് സര്‍വീസ് നടത്തുന്നത്. ഇത് കൂടാതെ കൊച്ചുവേളി എക്സ്പ്രസ്,കേരള എക്സ്പ്രസ് എന്നിവയടക്കമുള്ള ട്രെയിനുകളുമുണ്ട് . റോഡ് മാർഗമാണെങ്കിൽ 44 മണിക്കൂർ നീളുന്ന യാത്രയാണ് വേണ്ടി വരിക.
