ന്യൂഡൽഹി ; പുനരുപയോഗ ഊർജ മേഖലയിൽ ചരിത്ര നേട്ടം സ്വന്തമാക്കി അദാനി ഗ്രീൻ എനർജി ലിമിറ്റഡ് . പുനരുപയോഗ ഊർജ മേഖലയിൽ കമ്പനി നടപ്പാക്കുന്ന പദ്ധതികളിൽ നിന്നും ദേശീയ ഗ്രിഡിലേക്ക് നൽകുന്ന വൈദ്യുതിയുടെ അളവ് 10,000 മെഗാവാട്ട് മറികടന്നതായി അദാനി ഗ്രൂപ്പ് അറിയിച്ചു. 10000 മെഗാവാട്ടിൽ കൂടുതൽ പുനരുപയോഗിക്കാവുന്ന ഊർജ്ജ ശേഷിയുള്ള ഇന്ത്യയിലെ ആദ്യത്തെ കമ്പനിയാണ് നിലവിൽ അദാനി ഗ്രീൻ എനർജി ലിമിറ്റഡ് .
ഗുജറാത്തിലെ ഖാവ്ദ നാഷണൽ പാർക്കിലാണ് അദാനി ഗ്രൂപ്പിന്റെ 2,000 മെഗാവാട്ട് ശേഷിയുള്ള സോളാർ പ്ലാൻ്റ് . അദാനി ഗ്രീൻ എനർജി പുറത്തിറക്കിയ പ്രസ്താവന പ്രകാരം, കമ്പനിക്ക് ഇപ്പോൾ 10,934 മെഗാവാട്ടിന്റെ പുനരുപയോഗിക്കാവുന്ന ഊർജ്ജ ശേഷിയുണ്ട് . അദാനി ഗ്രീൻ എനർജിയുടെ അഭിപ്രായത്തിൽ, 2030 ഓടെ 45 GW പുനരുപയോഗ ഊർജ പ്ലാൻ്റുകൾ സ്ഥാപിക്കാൻ കമ്പനി ലക്ഷ്യമിടുന്നു.
എജിഐഎല്ലിന് 58 ലക്ഷത്തിലധികം വീടുകളിൽ വൈദ്യുതി എത്തിക്കാൻ കഴിയുമെന്ന് കമ്പനിയുടെ പ്രസ്താവനയിൽ പറയുന്നു. ‘പുനരുപയോഗിക്കാവുന്ന മേഖലയിൽ ഇന്ത്യയുടെ ആദ്യ കമ്പനിയെന്ന നിലയിൽ ഞങ്ങൾ അഭിമാനിക്കുന്നു. ഒരു ദശാബ്ദത്തിനുള്ളിൽ, അദാനി ഗ്രീൻ എനർജി ഒരു ഹരിത ഭാവി സങ്കൽപ്പിക്കുക മാത്രമല്ല, അത് യാഥാർത്ഥ്യമാക്കുകയും ചെയ്തു.‘ എന്നാണ് അദാനി സോഷ്യൽ മീഡിയയിൽ പങ്ക് വച്ച് കുറിപ്പിൽ പറയുന്നത്.
