പെരുന്നാൾ പിറ നിരീക്ഷിക്കാൻ യുഎഇയിലെ ചന്ദ്രദര്‍ശന സമിതി തിങ്കളാഴ്ച വൈകിട്ട് യോഗം ചേരും. തിങ്കളാഴ്ച മാസപ്പിറവി കണ്ടാല്‍ ചൊവ്വാഴ്ചയാകും രാജ്യത്ത് ചെറിയ പെരുന്നാള്‍. എന്നാൽ അന്നേദിവസം മാസപ്പിറവി ദൃശ്യമായില്ലെങ്കില്‍ ചൊവ്വാഴ്ച റമദാൻ 30 തികച്ച് ബുധനാഴ്ച പെരുന്നാള്‍ ആഘോഷിക്കും.ഒമാൻ ഒഴികെയുള്ള ഗൾഫ് രാജ്യങ്ങളിൽ ഇത്തവണത്തെ റമദാൻ വ്രതം മാർച്ച് 11 നായിരുന്നു ആരംഭിച്ചത്. എല്ലാ എമിറേറ്റുകളിലെ പള്ളികളിലും ഈദ് ഗാഹുകളിലും ഒരുക്കങ്ങള്‍ പ്രാർത്ഥനക്കുള്ള പൂര്‍ത്തിയായി.
ദുബായിൽ രാവിലെ 6.18നായിരിക്കും പ്രാര്‍ഥനയെന്ന് ദുബൈ ഇസ്ലാമിക് അഫയേഴ്‌സ് ആന്‍ഡ് ചാരിറ്റബിള്‍ ആക്ടിവിറ്റീസ് ഡിപ്പാർട്ട്‌മെന്‍റ് അറിയിച്ചു.ദുബായിൽ നിന്ന് നാല് മിനിറ്റിന് ശേഷമാണ് അബുദാബിയിലെ പ്രാർഥനാ സമയം. ഷെയ്ഖ് സായിദ് ഗ്രാൻഡ് മോസ്‌ക് സെന്‍റർ പ്രസിദ്ധീകരിക്കുന്ന ഇസ്ലാമിക് ഹിജ്‌റി കലണ്ടർ പ്രകാരം രാവിലെ 6.22ന് അബുദാബി നഗരത്തിലും 6.15ന് അൽ ഐനിലും നമസ്കാരം നടക്കും.
ഷാർജയിലെ ഇസ്ലാമിക് അഫയേഴ്‌സ് ഡിപ്പാർട്ട്‌മെന്‍റ് പ്രസിദ്ധീകരിച്ച ഹിജ്‌റി കലണ്ടർ പ്രകാരം രാവിലെ 6.17നാണ് പ്രാർഥന ആരംഭിക്കുക.അജ്മാൻ, ഉമ്മുൽ ഖുവൈനിലും ഷാർജയിലെ സമയം തന്നെയാണ്.റാസൽഖൈമ, ഫുജൈറ എന്നീ എമിറേറ്റുകളിൽ രാവിലെ 6.15 നാണ് നമസ്കാരം .
