തിരുവനന്തപുരം: സംസ്ഥാനത്ത് സ്വർണവിലയിൽ വീണ്ടും വർദ്ധനവ്. ഇന്ന് രണ്ടാം തവണയാണ് വിലയിൽ വർദ്ധനവ് രേഖപ്പെടുത്തിയിരിക്കുന്നത്. പവന് 200 രൂപ നിരക്കിലാണ് രണ്ടാമത്തെ വർദ്ധന. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി വില 52,800 രൂപയായി.
ഒരു ഗ്രാം 22 കാരറ്റ് സ്വർണത്തിന് ഇന്ന് വിപണിയിൽ 25 രൂപയുടെ വർദ്ധനവാണ് ഉണ്ടായിരിക്കുന്നത്. ഇതോടെ ഒരു ഗ്രാം 22 കാരറ്റ് സ്വർണത്തിന് വില 6,600 രൂപയിലെത്തി. സർവകാല റെക്കോർഡിലാണ് വീണ്ടും സ്വർണവില എത്തിയിരിക്കുന്നത്.
രാവിലെ അന്താരാഷ്‌ട്ര സ്വർണവില 2,343 ഡോളർ ആയിരുന്നു. ഉച്ചയ്‌ക്ക് ശേഷം ഇത് 2,354 ഡോളറിലേക്ക് ഉയർന്നു. ഇതോടെയാണ് വില വീണ്ടും ഉയർന്നത്.
ഇന്ന് രാവിലെ 240 രൂപയുടെ വർദ്ധനവായിരുന്നു ഒരു പവൻ സ്വർണത്തിന് രേഖപ്പെടുത്തിയിരുന്നത്. ഉച്ചയ്‌ക്ക് ശേഷം വീണ്ടും വർദ്ധനവ് രേഖപ്പെടുത്തിയതോടെ പവന് 440 രൂപയുടെ വർദ്ധനവാണ് ഉണ്ടായത്.
