ചെന്നൈ: അരുൾമിഗു മീനാക്ഷി സുന്ദേരേശ്വര ക്ഷേത്രത്തിൽ ദർശനം നടത്തി പ്രതിരോധ മന്ത്രി രാജ്നാഥ് സിംഗ്. ആചാരപരമായ സ്വീകരണം നൽകിയാണ് അദ്ദേഹത്തെ ക്ഷേത്ര ഭാരവാഹികൾ സ്വാഗതം ചെയ്തത്. ക്ഷേത്രദർശനം നടത്താൻ സാധിച്ചതിന്റെ സന്തോഷവും ചിത്രങ്ങളും അദ്ദേഹം എക്‌സിൽ പങ്കുവച്ചിരുന്നു.
” മധുരയിലെ മീനാക്ഷിക്ഷേത്രത്തിൽ ദർശനം നടത്താൻ സാധിച്ചത് ഒരു അനുഗ്രഹമായി കരുതുന്നു. തമിഴ്‌നാട്ടിലെത്തി ഇവിടുത്തെ ജനങ്ങളുമായി സംവദിക്കുാൻ സാധിച്ചതായും രാജ്നാഥ് സിംഗ് കുറിച്ചു.
ലോക്‌സഭാ തെരഞ്ഞെടുപ്പ് പ്രചാരണത്തോടനുബന്ധിച്ച് തമിഴ്‌നാട്ടിൽ എത്തിയതായിരുന്നു അദ്ദേഹം. പ്രചാരണത്തിന്റെ ഭാഗമായി തമിഴ്‌നാട്ടിലെ നമയ്‌ക്കലിലും തെങ്കാശിയിലും സംഘടിപ്പിച്ച റോഡ് ഷോയിൽ അദ്ദേഹം പങ്കെടുത്തു. തുടർന്ന് തിരുവാരൂരിൽ സംഘടിപ്പിച്ച പൊതുസമ്മേളനത്തെ അഭിസംബോധന ചെയ്ത ശേഷമാണ് അദ്ദേഹം അരുൾമിഗു മീനാക്ഷി സുന്ദരേശ്വര ക്ഷേത്രത്തിൽ ദർശനം നടത്തിയത്. ഏപ്രിൽ 19നാണ് തമിഴ്‌നാട്ടിൽ തെരഞ്ഞെടുപ്പ് നടക്കുന്നത്.
