റാഞ്ചി : രാമനവമി ഘോഷയാത്ര കടന്നു പോകുന്ന വഴികളിലെ വീടുകളിൽ നടന്ന പരിശോധനയിൽ കല്ലുകൾ സൂക്ഷിച്ചിരിക്കുന്നതായി കണ്ടെത്തി. ഘോഷയാത്ര കടന്നുപോകേണ്ട റാഞ്ചിയിലെ നിരവധി വീടുകളുടെ മേൽക്കൂരയിൽ കല്ലുകൾ സൂക്ഷിച്ചിരിക്കുന്നതായി പോലീസ് പരിശോധനയിൽ കണ്ടെത്തി.
മെയിൻ റോഡ്, ലേക്ക് റോഡ്, ഹിന്ദ് പീധി റോഡ് എന്നിവിടങ്ങളിലെ വീടുകളിൽ നിന്നാണ് കല്ലുകൾ കണ്ടെത്തിയത് . ഇവ ഘോഷയാത്രയ്‌ക്ക് നേരെ എറിയാനായി ശേഖരിച്ചതാണെന്നാണ് പോലീസ് നിഗമനം. ഇത് സംബന്ധിച്ച് ഉടമകൾക്ക് പോലീസ് നോട്ടീസ് നൽകിയിട്ടുണ്ട് . ഡ്രോൺ ക്യാമറകൾ ഉപയോഗിച്ചാണ് പോലീസ് പരിശോധന നടത്തിയത്. ഇതിന്റെ ദൃശ്യങ്ങളിലാണ് മേൽക്കൂരയിൽ കല്ലുകൾ സൂക്ഷിച്ചിരിക്കുന്നത് കണ്ടെത്തിയത് .
കല്ലുകൾ ഉടൻ നീക്കം ചെയ്യണമെന്ന് വീട്ടുടമകൾക്ക് പോലീസ് നൽകിയ നോട്ടീസിൽ പറയുന്നു . രാമനവമി ഉത്സവ വേളയിൽ ഈ കല്ലുകൾ ദുരുപയോഗം ചെയ്തതായി കണ്ടെത്തിയാൽ, ഉടമകൾക്കെതിരെ കർശന നടപടിയെടുക്കുമെന്നും നോട്ടീസിൽ പറയുന്നു.ഘോഷയാത്ര സമയത്ത് വൻ പോലീസ് സേനയെ നഗരത്തിൽ വിന്യസിക്കും. നഗരത്തിൽ വർഗീയ കലാപമുണ്ടാക്കാൻ ശ്രമിക്കുന്നവരെ അറസ്റ്റ് ചെയ്യുമെന്നും പോലീസ് അറിയിച്ചു.
