ഗാന്ധിനഗർ: നാമനിർദ്ദേശ പത്രിക സമർപ്പിച്ച് കേന്ദ്ര ആഭ്യന്തരമന്ത്രി അമിത്ഷാ. ഗാന്ധിനഗർ ലോക്സഭാ സീറ്റിലേക്കാണ് അദ്ദേഹം നാമനിർദ്ദേശ പത്രിക സമർപ്പിച്ചത്. ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിനൊപ്പമാണ് അദ്ദേഹം പത്രിക സമർപ്പിക്കാനെത്തിയത്. ഉച്ചയ്ക്ക് 12.30 ന് ഗാന്ധിനഗർ കളക്ട്രേറ്റിൽ എത്തിയ അദ്ദേഹം ജില്ലാ തെരഞ്ഞെടുപ്പ് ഒാഫീസർക്ക് നാമനിർദ്ദേശ പത്രിക കൈമാറുകയായിരുന്നു.
ഗാന്ധിനഗറിൽ നിന്ന് ഇത് രണ്ടാം തവണയാണ് അമിത് ഷാ ജനവിധി തേടുന്നത്. ഇന്നലെ മണ്ഡലത്തിൽ അദ്ദേഹത്തിന്റെ റോഡ് ഷോ സംഘടിപ്പിച്ചിരുന്നു. എപിഎംസി ചൗക്ക് മുതൽ നൽസരോവർ ചൗക്ക് വരെയായിരുന്നു റോഡ് ഷോ. സംഘടിപ്പിച്ചത്. ഗാന്ധിനഗറിൽ വീണ്ടും ബിജെപി സ്ഥാനാർത്ഥി തെരഞ്ഞെടുക്കപ്പെട്ടാൽ രാജ്യത്തെ ഏറ്റവും വികസിത മണ്ഡലങ്ങളിൽ ഒന്നായി ഗാന്ധിനഗറിനെ മാറ്റുമെന്ന് അദ്ദേഹം ഉറപ്പുനൽകി.
2019ൽ 5 ലക്ഷത്തിലധികം വോട്ടിന്റെ ഭൂരിപക്ഷത്തിലാണ് അമിത് ഷാ ഗാന്ധിനഗറിൽ നിന്നും തിരഞ്ഞെടുക്കപ്പെട്ടത്. മെയ് 7നാണ് ഗുജറാത്തിലെ ലോക് സഭാ തെരഞ്ഞെടുപ്പ്. ഒറ്റഘട്ടമായാണ് തെരഞ്ഞെടുപ്പ് നടക്കുന്നത്. ജൂൺ 4ന് വോട്ടെണ്ണൽ നടക്കും..