ചിരി ആരോഗ്യത്തിന് നല്ലതാണെന്നാണ് പൊതുവെ നാം കേട്ടിരിക്കുന്നത്. എന്നാൽ അമിതമായ ചിരി കൊലയാളിയാണെന്ന് നിങ്ങൾക്കറിയാമോ? അമിതമായുള്ള ചിരി ആരോഗ്യത്തിന് ഹാനികരമാണെന്നാണ് വിദഗ്ധർ പറയുന്നത്. ഇത് മരണത്തിലേക്ക് വരെ എത്തിക്കാമെന്ന് ബിബിസി സയൻസ് ഫോക്കസിൽ പറയുന്നു.
അമിതമായി ചിരിക്കുന്നത് ഹൃദയാഘാതത്തിനും മറ്റ് അസ്വസ്ഥതയ്‌ക്കും കാരണമാകുന്നുവെന്നാണ് പഠനങ്ങളിൽ പറയുന്നത്. നിർത്താതെയുള്ള ചിരി ഹൃദയത്തിലേക്കും, ശ്വാസകോശത്തിലേക്കും മറ്റ് അവയവങ്ങളിലേക്കും എത്തുന്ന വായുവിന്റെ സമ്മർദ്ദത്തിൽ വ്യതിയാനം വരുത്തുകയും ഇത് ശ്വാസതടസത്തിനോ ഹൃദയാഘാതത്തിനോ വഴിവയ്‌ക്കുകയും ചെയ്യുന്നു. ഇതാണ് മരണത്തിലേക്ക് നയിക്കുന്നത്. അതിനാൽ നിർത്താതെ ചിരിക്കുന്നത് ആരോഗ്യത്തിന് നല്ലതല്ലെന്നാണ് വിദഗ്ധരുടെ കണ്ടെത്തൽ.
സമ്മർദ്ദം അകറ്റി പേശികൾക്ക് അയവ് നൽകുന്നതിനും പ്രതിരോധശക്തി വർദ്ധിപ്പിക്കുന്നതിനും വേദനകൾ കുറയ്‌ക്കുന്നതിനും ചിരി ഒരു ഉത്തമ മരുന്നാണ്. എന്നാൽ അടക്കി നിർത്താൻ സാധിക്കാതെ ചിരിക്കുന്നത് ഹൃദയാഘാതത്തിലേക്ക് വഴിവയ്‌ക്കുമന്നാണ് പറയുന്നത്. ഇത് മരണത്തിനിടയാക്കുന്നു. 1975ൽ ഒരു മരണം ഇത്തരത്തിൽ റിപ്പോർട്ട് ചെയ്തിട്ടുണ്ടെന്നും പഠനത്തിൽ വിശദീകരിക്കുന്നുണ്ട്.
