ചെന്നൈ: അനുവാദമില്ലാതെ തന്റെ ഗാനം ഉപയോഗിച്ചതിന് രജനികാന്ത് ചിത്രത്തിനെതിരെ വക്കീൽ നോട്ടീസ് അയച്ച് ഇളയരാജ. രജനികാന്തിന്റെ 171-ാമത്തെ ചിത്രമായ കൂലിയുടെ നിർമാതാക്കളായ സൺപിക്ചേഴ്സിനാണ് വക്കീൽ നോട്ടീസ് അയച്ചത്. സിനിമയുടെ ടൈറ്റിൽ ടീസർ പ്രമോയിലാണ് അനുവാദമില്ലാതെ ഇളയരാജയുടെ ഗാനം ഉപയോഗിച്ചത്.
1983-ൽ സംഗീതം നൽകിയ ഗാനം ടൈറ്റിലിൽ ഉപയോഗിച്ചിട്ടുണ്ടെന്ന് ചൂണ്ടിക്കാട്ടിയാണ് ഇളയരാജ നോട്ടീസ് അയച്ചിരിക്കുന്നത്. ഈ ഗാനം പ്രമോയിൽ നിന്ന് നീക്കണമെന്നാണ് ഇളയരാജ മുന്നോട്ട് വയക്കുന്ന പ്രധാന ആവശ്യം. ഇതിന് തയ്യാറാല്ലെങ്കിൽ നിയമപരമായി മുന്നോട്ട് പോകുമെന്നാണ് അറിയിച്ചിരിക്കുന്നത്. സംഭവത്തിൽ സൺപിക്ചേഴ്സോ ചിത്രത്തിന്റെ സംവിധായകൻ ലോകേഷ് കനകരാജോ വിശദീകരണം നൽകിട്ടില്ല.
അടുത്തിടെയാണ് അണിയറപ്രവർത്തകർ കൂലിയുടെ ടീസർ പുറത്തിറക്കിയത്. ഇളയരാജയുടെ തങ്കമഗനിലെ ‘വാ വാ പക്കം വാ’ എന്ന ഗാനമാണ് ചിത്രത്തിന്റെ ടീസറിലുള്ളത്. അനിരുദ്ധാണ് സംഗീതം നിർവഹിച്ചത്.