ഇതിനാണോ നിങ്ങളെ ടീമിലെടുത്തത്..! നിരാശപ്പെടുത്തി ലോകകപ്പ് താരങ്ങൾ; ഒടുവിൽ സഞ്ജുവും ഡക്ക്

ലോകകപ്പ് ടീമിലെത്തിയതിന് പിന്നാലെ ഐപിഎല്ലിൽ ആരാധകരെ നിരാശപ്പെടുത്തി സഞ്ജു സാംസൺ അടക്കമുള്ള താരങ്ങൾ. റോയൽസിനായി വൺഡൗണായി ക്രീസിലിറങ്ങിയ താരം  ഡക്കായി കൂടാരം കയറി. ഭുവനേശ്വർ കുമാറാണ് മടക്കിയത്. ഓപ്പണിം​ഗ് ഓവറിലെ അഞ്ചാം പന്തിലാണ് സഞ്ജു മടങ്ങുന്നത്. ഭുവനേശ്വർ കുമാറിന്റെ ആദ്യ ഓവറിലെ അഞ്ചാം പന്തിലാണ് സഞ്ജുവിന്റെ കുറ്റി തെറിക്കുന്നത്. ഉഗ്രനൊരു ഇൻസ്വിംഗർ വലം കൈയൻ ബാറ്റർക്ക് കാണാനായില്ല. ഇതിന്റെ ദൃശ്യങ്ങൾ വൈറലായി.

WHAT A BALL BY BHUVI. 🤯🔥

– Vintage Bhuvi in the opening over, A duck for Buttler and a duck for Samson. 💥pic.twitter.com/b3zUG0Vi0U

— Mufaddal Vohra (@mufaddal_vohra) May 2, 2024

“>

സീസണിൽ റൺസൊന്നുമെടുക്കാതെ ആദ്യമായാണ് നായകൻ സഞ്ജു മടങ്ങുന്നത്. മുൻ മത്സരങ്ങളിൽ ​ഗംഭീര പ്രകടനം കാഴ്ചവച്ച താരത്തിന്റെ പുറത്താകൽ ആരാധകരെ ഞെട്ടിച്ചു.

ലോകകപ്പ് ടീമിൽ ഇടംനേടിയതിന് പിന്നാലെ ശിവം ദുബെ, യുസ്വേന്ദ്ര ചഹൽ, രവീന്ദ്ര ജഡേജ, അർഷ്ദീപ് സിം​ഗ് തുടങ്ങിയ താരങ്ങളും നിരാശപ്പെടുത്തിയിരുന്നു. ഇന്ന് ഹെെദരാബാദിനെതിരെ 62 റൺസാണ് ചഹൽ വഴങ്ങിയത്. നാലോവറെറിഞ്ഞ താരം വിക്കറ്റൊന്നും വീഴ്‌ത്തിയില്ല. ശിവം ദുബെ  ഡക്കായ മത്സരത്തിൽ നാല് റൺസെടുത്ത് രവീന്ദ്ര ജഡേജയും പുറത്തായി. ഐപിഎല്ലിൽ ആദ്യമായി ബൗളിം​ഗിനിറങ്ങിയ ദുബെ 14 റൺസ് വഴങ്ങി ഒരു വിക്കറ്റ് വീഴ്‌ത്തി.

മൂന്നോവര്‍ പന്തെറിഞ്ഞ ജഡേജ 22 റണ്‍സ് വഴങ്ങിയെങ്കിലും വിക്കറ്റ് വീഴ്‌ത്തിയില്ല. അര്‍ഷ്ദീപ് സിം​ഗ് നാല് ഓവറിൽ 52 റൺസ് കഴിഞ്ഞ മത്സരത്തിൽ വഴങ്ങിയിരുന്നു.