മുംബൈ: മഹാരാഷ്‌ട്രയിൽ മൂന്നാം ഘട്ട തെരഞ്ഞെടുപ്പിനിടെ വോട്ടിംഗ് മെഷിന് തീയിടാൻ ശ്രമിച്ച യുവാവ് പിടിയിൽ. സോലാപുർ ജില്ലയിൽ ഇന്നലെയായിരുന്നു വിചിത്ര സംഭവം നടന്നത്.വോട്ട് ചെയ്യാനെത്തിയയാൾ പോളിംഗിനിടെ മെഷിൻ (ഇ.വി.എം) കത്തിക്കാൻ ശ്രമിക്കുകയായിരുന്നു.സംഗോള നിയമസഭ മണ്ഡലത്തിനുകീഴിലുള്ള 86ാം നമ്പർ ബൂത്തിലാണ് സംഭവം.
വോട്ടുചെയ്യുന്നതിനിടയിൽ ഇയാൾ ബാലറ്റ് യൂണിറ്റ് കത്തിക്കാൻ ശ്രമിച്ചുവെന്ന് ജില്ല കളക്ടറും ഇലക്ഷൻ ഓഫീസറുമായ കുമാർ ആശിർവാദ് പറഞ്ഞു. ഇയാളെ പിന്നീട് പൊലീസ് കസ്റ്റഡിയിലെടുത്തു.ബാലറ്റ് യൂണിറ്റിന്റെ ചില ഭാഗത്ത് കറുത്ത പാടുകൾ വന്നുവെങ്കിലും യന്ത്രം പ്രവർത്തിക്കുന്നുണ്ടായിരുന്നു. എന്നാൽ, ഇ.വി.എം പൂർണമായും മാറ്റി. മോക്ക് പോളിനുശേഷം ഇവിടെ വോട്ടെടുപ്പ് പുനരാരംഭിച്ചുവെന്നും അദ്ദേഹം അറിയിച്ചു
