കൊച്ചുകുട്ടികളുടെ പാട്ടുകളും ഡാൻസുകളുമൊക്കെ സോഷ്യൽ മീഡിയയിൽ പലപ്പോഴും ശ്രദ്ധേയമാകാറുണ്ട്. ചെറിയ പ്രായത്തിൽ തന്നെ കലാപരമായുള്ള കുട്ടികളുടെ കഴിവുകൾക്ക് സമൂഹമാദ്ധ്യമ ലോകം പിന്തുണയ്‌ക്കുകയും കയ്യടിക്കുകയും ചെയ്യുന്നത് പതിവാണ്. എന്നാൽ വേറിട്ടൊരു ഡാൻസ് പെർഫോർമൻസാണ് സമൂഹമാദ്ധ്യമങ്ങൾ ഇപ്പോൾ ഏറ്റെടുത്തിരിക്കുന്നത്. അമ്മയുടെ അടിപൊളി ക്യാപ്ഷൻ കൂടിയായപ്പോൾ സംഗതി പൊളിച്ചു. ഒരാഴ്ച മുമ്പ് അപ്ലോ‍ഡ് ചെയ്ത വീഡിയോ ഇപ്പോൾ വൈറലാണ്.
ഒറ്റയ്ക്ക് ഗ്രൂപ്പ് ഡാൻസ് കളിക്കുന്ന ഒരു കൊച്ചുസുന്ദരിയുടെ വീഡിയോയാണ് വൈറലായത്. ഇസ ആരിഫ് എന്ന ആറ് വയസുകാരിയാണ് സോഷ്യൽ മീഡിയയിലെ ഇപ്പോഴത്തെ താരം. മുന്നിലുള്ള കണ്ണാടി നോക്കിയാണ് ഇസ ന‍ൃത്തം ചെയ്യുന്നത്. ഒറ്റ നോട്ടത്തിൽ നാല് പേർ നിന്ന് ഡാൻസ് കളിക്കുന്നതായാണ് തോന്നുക. വീഡിയോടൊപ്പം ‘ഒറ്റയ്ക്ക് ഗ്രൂപ്പ് ഡാൻസ് കളിക്കുന്നു’എന്ന അടിക്കുറിപ്പ് കൂടിയായപ്പോൾ സംഭവം ഉഷാറായി.
കുട്ടിയുടെ അച്ഛനാണ് പാട്ട് വച്ചുകൊടുക്കുന്നത്. പിന്നീട്, ചുറ്റുമുള്ള ആരെയും ശ്രദ്ധിക്കാതെ ഇസയുടെ ഡാൻസും തുടങ്ങി. അമ്മ വീഡിയോ ചിത്രീകരിച്ചു. ദുബായിൽ താമസിക്കുന്ന പൊന്നാനി സ്വദേശികളുടെ മകളാണ് ഇസ. യുട്യൂബ് ചാനലിലൂടെ ഇസയുടെ അമ്മയാണ് വീഡിയോ പങ്കുവച്ചത്. ഇതിന് പിന്നാലെ സമൂഹമാദ്ധ്യമങ്ങൾ ഏറ്റെടുക്കുകയായിരുന്നു. നിരവധി പേരാണ് ഇസക്കുട്ടിയ്‌ക്ക് ആശംസകൾ അറിയിച്ച് രംഗത്തെത്തിയത്. ഇസയെ പുകഴ്‌ത്തുന്ന ഒരുപാട് വാക്കുകളും കമന്റ് ബോക്സിൽ നിറയുകയാണ്.
