വിജയാഘോഷത്തിൽ വികാരാധീനനായി വിരാട് കോലി; ​ഗാലറിയിൽ കണ്ണീരണിഞ്ഞ് അനുഷ്കയും; വീഡിയോ

പല വമ്പന്മാരും വരികയും പോവുകയും ചെയ്തു, എന്നാൽ ഈ 17 കാെല്ലവും ഒരു കിരീടം പോലുമില്ലാതെ അയാൾ ആ ടീമിനൊപ്പം അടിയുറച്ചു നിന്നു. അതാണ് വിരാട് എന്ന താരവും ആർ.സി.ബിയുമായുള്ള ബന്ധം. 18-ാം നമ്പറുകാരന് ആ ടീമും ആരാധകരും എന്നും ഹൃദയത്തിലാണ്.

റോയൽ ചലഞ്ചേഴ്സ് ബെം​ഗളൂരുവിനോടും ആരാധകരോടുമുള്ള വിരാട് കോലിയുടെ സ്നേഹം എല്ലാ മത്സരങ്ങളിലും ആരാധകർ കണ്ടിട്ടുണ്ട്. വിജയിക്കാൻ‌ ഒരു ശതമാനം സാധ്യതയുണ്ടെങ്കിൽ കളിക്കളത്തിൽ ഞങ്ങൾ‌ നൂറ് ശതമാനവും പുറത്തെടുക്കുമെന്നാണ് മത്സരത്തിന് മുമ്പ് വിരാട് കോലി പറഞ്ഞത്.  അദ്ദേഹത്തിന്റെ വാക്കുകൾ ​ഗ്രൗണ്ടിൽ ആ ടീമൊന്നാകെ നടപ്പാക്കുന്നതാണ് ചെന്നൈക്കെതിരെ കണ്ടത്.

പ്ലേ ഓഫിലേക്ക് യോ​ഗ്യത നേടിയതിന് ശേഷമുള്ള വിരാട് കോലിയുടെ വെെകാരിക നിമിഷങ്ങളാണ് ഇപ്പോൾ സമൂഹമാദ്ധ്യമങ്ങളിൽ വെെറൽ. നായകൻ ഫാഫ് ഡുപ്ലസിയെ കെട്ടിപിടിച്ചാണ് വിജയാഘോഷത്തിന് വിരാട് തുടക്കം കുറിച്ചത്. കണ്ണുകൾ‌ ഈറനണിയുന്നതും ​ഗ്യാലറിയിലെ ആരാധകരെ നോക്കി വിജയാഘോഷം മുഴക്കുന്നതും വീഡിയോയിൽ കാണാം. ഗാലറിയിൽ വിരാടിന്റെ ഭാര്യയും നടിയുമായ അനുഷ്കയും വിങ്ങിപ്പൊട്ടുന്നുണ്ടായിരുന്നു. ആർസിബിയുടെ വനിതാ താരങ്ങളും വിജയാഘോഷത്തിൽ പങ്കാളിയായി.

Aaarrr Ceeee Beeee ❤️👏

6️⃣ in a row for Royal Challengers Bengaluru ❤️

They make a thumping entry into the #TATAIPL 2024 Playoffs 👊

Scorecard ▶️ https://t.co/7RQR7B2jpC#RCBvCSK | @RCBTweets pic.twitter.com/otq5KjUMXy

— IndianPremierLeague (@IPL) May 18, 2024

“>Virat Kohli

ഐപിഎല്ലിൽ ആദ്യ എട്ടുമത്സരങ്ങളിൽ ഒന്നുമാത്രം ജയിച്ച ബെം​ഗളൂരു തുടർച്ചയായ ആറ് മത്സരങ്ങൾ ജയിച്ചാണ് പ്ലേ ഓഫിലേക്ക് യോ​ഗ്യത നേടിയത്. 14 പോയിന്റാണ് ആർസിബിക്കുള്ളത്. കൊൽക്കത്ത, രാജസ്ഥാൻ, ഹെെദരാബാദ് എന്നിവരാണ് പ്ലേ ഓഫിന് യോ​ഗ്യത നേടിയമറ്റുതാരങ്ങൾ.