മുംബൈ ഇന്ത്യൻസ് ടീം നടത്തുന്ന പരിഷ്കാരങ്ങളിലെ നീരസം പ്രകടമാക്കിയ ഓഡിയോ പുറത്തുവന്നതിന് പിന്നാലെ സ്റ്റാർ സ്പോർട്സിനെതിരെ പൊട്ടിത്തെറിച്ച് ഇന്ത്യൻ നായകൻ രോഹിത് ശർമ്മ. കൊൽക്കത്ത നൈറ്റ് റൈഡേഴ്സിനെതിരെയുള്ള മത്സരത്തിന് ശേഷം സഹ പരിശീലകൻ അഭിഷേക് നായറുമായി നടത്തിയ സംഭാഷണമാണ് പുറത്തുവന്നത്.
‘എല്ലാം ഒന്നൊന്നായി മാറികൊണ്ടിരിക്കുകയാണ്. അത് അവരെ സംബന്ധിക്കുന്ന കാര്യമാണ്. അതൊന്നും എന്നെ ബാധിക്കുന്ന വിഷയങ്ങളല്ല. എന്തു തന്നെയായാലും ഇത് എന്റെ വീടാണ്. ഈ ക്ഷേത്രം പണിതത് ഞാനാണ്”—മുംബൈ ടീമിലെ മാറ്റങ്ങളെ ഉദ്ദേശിച്ചായിരുന്നു താരത്തിന്റെ സംഭാഷണം. ഈ സീസണിൽ രോഹിത്തിനെ പുറത്താക്കി ഹാർദിക് പാണ്ഡ്യയെ നായകനാക്കിയിരുന്നു. ഇത് വലിയ രീതിയിൽ വിമർശനങ്ങൾക്ക് ഇടയാക്കിയിരുന്നു. താരം ടീമിൽ തൃപ്തനല്ലെന്നും അടുത്ത സീസണിൽ മുംബൈ വിടുമെന്നും ഏറെക്കുറെ ഉറപ്പാണ്.
Abhishek nayar Rohit Sharma chat after prematch practice session 😥
Will hitman play last year in MI ??#RohitSharma pic.twitter.com/cP2pyeh70O— 𝕾𝖆𝖚𝖗𝖆𝖇𝖍 𝖒𝖎𝖘𝖍𝖗𝖆 (@sau100mishra45) May 11, 2024
ക്രിക്കറ്റർമാരുടെ സ്വകാര്യതയിലേക്ക് അതിക്രമിച്ച് കടക്കുന്നത് പതിവായിരിക്കുന്നു. സുഹൃത്തുക്കളും സഹപ്രവർത്തകരുമായി നടത്തുന്ന സ്വകാര്യ സംഭാഷണങ്ങൾ പോലും റെക്കോർഡ് ചെയ്ത് പുറത്തുവിടുന്നു. ഇത് എന്റെ സ്വകാര്യതയിലേക്കുള്ള കടന്നുകയറ്റമാണ്. അവർക്ക് എപ്പോഴും എക്സ്ക്ലൂസിവ് ഉള്ളടക്കങ്ങളുണ്ടാക്കി കാഴ്ചക്കാരെ തൃപ്തിപ്പെടുത്തുന്നതിലാണ് ശ്രദ്ധ കേന്ദ്രീകരിക്കുന്നത്. ഒരു ദിവസം ഇത് ആരാധകരുടെ വിശ്വാസം തകർക്കും.
The lives of cricketers have become so intrusive that cameras are now recording every step and conversation we are having in privacy with our friends and colleagues, at training or on match days.
Despite asking Star Sports to not record my conversation, it was and was also then…
— Rohit Sharma (@ImRo45) May 19, 2024
