തിരുവനന്തപുരം: കെഎസ്ആർടിസി ജീവനക്കാരെ ഉപദേശിക്കാൻ സമൂഹമാദ്ധ്യമ റീൽസ് പരമ്പരയുമായി ഗതാഗതമന്ത്രി കെ.ബി ഗണേഷ് കുമാർ. എങ്ങനെ നന്നായി വണ്ടിയോടിക്കണം, യാത്രക്കാരോട് എങ്ങനെ പെരുമാറണം തുടങ്ങിയ മര്യദ പഠിപ്പിക്കൽ ക്ലാസുകളാകും റീൽസായി എത്തുക. യാത്രക്കാരുടെ പരാതികളും മന്ത്രി പങ്കുവയ്ക്കും.
ആദ്യഘട്ട ഷൂട്ടിംഗ് പൂർത്തിയായിട്ടുണ്ട്. കെഎസ്ആർടിസി കേന്ദ്രങ്ങളിൽ ആളില്ലാത്തപ്പോൾ ഫാനും ലൈറ്റും ഓഫ് ചെയ്യണമെന്ന് സർക്കുലർ പാലിക്കാത്തതിന് പുനലൂർ എടിഒയെ സസ്പെൻഡ് ചെയ്തു, ബുക്ക് ചെയ്ത് ബസിൽ കയറിയ സഹോദരിയെയും സഹോദരനെയും ചോദ്യം ചെയ്യുകയും വീണ്ടും ടിക്കറ്റെടുപ്പിച്ച കണ്ടക്ടറെ സസ്പെൻഡ് ചെയ്ത സംഭവങ്ങളും റീൽസായി എത്തും.
