തിരുവനന്തപുരം: ബാർകോഴ വിവാദങ്ങൾക്കിടയിൽ എക്സൈസ് മന്ത്രി എം.ബി രാജേഷ് യൂറോപ്പിലേക്ക്. സ്വകാര്യ യാത്രയെന്നാണ് ലഭിക്കുന്ന വിവരം. ഇന്ന് രാവിലെയാണ് മന്ത്രി കുടുംബ സമേതം യൂറോപ്പിലേക്ക് യാത്ര തിരിച്ചത്.
ഓസ്ട്രിയ, ബെൽജിയം ഉൾപ്പെടെ അഞ്ച് രാജ്യങ്ങൾ സന്ദർശിക്കുമെന്നാണ് പുറത്തുവരുന്ന വിവരം. വെക്കേഷൻ ട്രിപ്പ് ആയാണ് മന്ത്രി കുടുംബത്തിന്റെ വിദേശ പര്യടനം. ലോക കേരള സഭയ്ക്കു മുൻപ് തിരിച്ചെത്തുമെന്നും റിപ്പോർട്ടുണ്ട്.
ഇതിനിടെ സിപിഎം സംസ്ഥാന സെക്രട്ടറി എം.വി ഗോവിന്ദനും വിമാന കയറി കഴിഞ്ഞു. ത്രദിന സന്ദർശനത്തിനായി ദുബായിലാണ് അദ്ദേഹം എത്തിയത്. പ്രവാസി സംഘടനയായ മാസ്സിന്റെ വാർഷികാഘോഷങ്ങളുടെ സമാപന ചടങ്ങിൽ പങ്കെടുക്കാനായാണ് അദ്ദേഹം ദുബായിലെത്തിയത്. നാളെ വേൾഡ് മലയാളി കൗൺസിലിന്റെ മേഖലാ സമ്മേളനത്തിലും അദ്ദേഹം പങ്കെടുക്കും.
