ആലപ്പുഴ: കെഎസ്ആർടിസി സൂപ്പർഫാസ്റ്റിൽ കഞ്ചാവുമായി യാത്ര ചെയ്ത ഒരാൾ പിടിയിൽ. പുറക്കാട് ഒറ്റപ്പന സ്വദേശി ഷെഫീക്കാണ് പിടിയിലായത്. ഇയാളുടെ പക്കൽ നിന്ന് 1.200 കിലോഗ്രാം കഞ്ചാവ് പിടിച്ചെടുത്തതായി എക്സൈസ് ഉദ്യോഗസ്ഥർ അറിയിച്ചു.
പ്ലാസ്റ്റിക് കവറിലും പേപ്പറിലും പൊതിഞ്ഞായിരുന്നു ഇയാളുടെ കയ്യിൽ കഞ്ചാവുണ്ടായിരുന്നത്. തമിഴ്നാട്ടിൽ നിന്ന് പുനലൂർ വഴി ട്രെയിൻ മാർഗം കഞ്ചാവ് കൊല്ലത്ത് എത്തിച്ച ശേഷം ഇവിടെ നിന്ന് പാലക്കാട്ടേക്കുള്ള സൂപ്പർഫാസ്റ്റ് ബസ് പിടിക്കുകയുമായിരുന്നു.
പൊലീസിന് ലഭിച്ച രഹസ്യവിവരത്തെ തുടർന്ന് തോട്ടപ്പള്ളിയിൽ വച്ച് നടത്തിയ പരിശോധനയിലാണ് ഇയാൾ പിടിയിലായത്. ഷെഫീക്കിനെ വിശദമായി ചോദ്യം ചെയ്ത് വരികയാണെന്ന് പൊലീസ് പറഞ്ഞു.