ഹൃദയം എന്ന ഹിറ്റ് ചിത്രത്തിന് ശേഷം വിനീത് ശ്രീനിവാസന്റെ സംവിധാനത്തിൽ പിറന്ന സിനിമയാണ് വർഷങ്ങൾക്ക് ശേഷം. ഏപ്രിൽ 11-ന് വിഷു റിലീസായെത്തിയ ചിത്രം 81 കോടിയിലധികമാണ് നേടിയത്. എല്ലാ പ്രായത്തിലുള്ള പ്രേക്ഷകരെയും ആസ്വദിപ്പിക്കുന്ന തരത്തിലാണ് ചിത്രം ഒരുക്കിയിരിക്കുന്നത്. ജൂൺ ഏഴിനാണ് ചിത്രം ഒടിടി റിലീസിനെത്തുന്നത്. സോണി ലിവിലായിരിക്കും ചിത്രം പ്രദർശനത്തിനെത്തുകയെന്നാണ് പുറത്തുവരുന്ന വിവരം.
ഒരിടവേളയ്‌ക്ക് ശേഷം നിവിൻ പോളിയുടെ അത്യുഗ്രൻ പ്രകടനമാണ് ചിത്രത്തിൽ കാണാൻ സാധിച്ചത്. പ്രണവ് മോഹൻലാലും ധ്യാൻ ശ്രീനിവാസനുമായിരുന്ന ചിത്രത്തിൽ ഏറെ ശ്രദ്ധയാകർഷിച്ച കോബോ. അജു വർഗീസ്, കല്യാണി പ്രിയദർശൻ, ബേസിൽ ജോസഫ്, വിനീത് ശ്രീനിവാസൻ, നീരജ് മാധവ്, അർജുൻ ലാൽ, അശ്വന്ത് ലാൽ, കലേഷ് രാംനാഥ്, ഷാൻ റഹ്മാൻ എന്നിങ്ങനെ ഒരു വലിയ താരനിര തന്നെയാണ് ചിത്രത്തിലുള്ളത്.
നിവിൻ പോളി എന്ന നടൻ യഥാർത്ഥ ജീവിതത്തിൽ നേരിട്ട സൈബർ ആക്രമണങ്ങളെ കുറിച്ചാണ് ചിത്രം പ്രേക്ഷകരുടെ മുന്നിലെത്തിച്ചത്. സിനിമാ പ്രേമികളായ രണ്ട് സുഹൃത്തുക്കളുടെ ജീവിതമായിരുന്നു ചിത്രത്തിലെ പ്രമേയം. ഹൃദയത്തിന് ശേഷം പ്രണവും കല്യാണിയും വീണ്ടും ഒന്നിച്ച് അഭിനയിച്ച ചിത്രം കൂടിയാണിത്. വിവിധ കാലഘട്ടങ്ങളിൽ നടക്കുന്ന കഥയാണ് ചിത്രം പറഞ്ഞത്.
