വയനാട്: സുൽത്താൻബത്തേരിയിൽ കരടിയുടെ ആക്രമണത്തിൽ ഒരാൾക്ക് പരിക്ക്. നായ്ക്കട്ടി മറുകര കോളനിയിലെ കൃഷ്ണനാണ് പരിക്കേറ്റത്. വിറകെടുക്കാൻ പോകുന്നതിനിടെയായിരുന്നു കരടിയുടെ ആക്രമണം. ഇന്ന് വൈകിട്ടാണ് സംഭവം. കൂടെയുണ്ടായിരുന്നവർ ബഹളം വച്ചതോടെ കരടി ഓടിപ്പോയി.
കൈയ്ക്കും കാലിനും സാരമായി പരിക്കേറ്റ ഇയാളെ ബത്തേരി താലൂക്ക് ആശുപത്രിയിൽ പ്രവേശിപ്പിച്ചു. പിന്നാലെ വിദഗ്ദ ചികിത്സയ്ക്കായി കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.