മുംബൈ: പടക്ക നിർമാണ ശാലയിലുണ്ടായ സ്ഫോടനത്തിൽ അഞ്ച് പേർ മരിച്ചു. മുംബൈയിലെ നാഗ്പൂർ ചാമുണ്ഡി എക്സ്പ്ലോസീവ് പ്രൈവറ്റ് ലിമിറ്റഡിലാണ് സ്ഫോടനമുണ്ടായത്. ഉച്ചയ്‌ക്കായിരുന്നു സംഭവം. അപകടത്തിൽ പത്തോളം തൊഴിലാളികൾക്ക് പരിക്കേറ്റു. ഇവർ ഗുരുതര പരിക്കുകളോ‌ടെ ആശുപത്രിയിൽ ചികിത്സയിലാണെന്ന് പൊലീസ് അറിയിച്ചു.
തൊഴിലാളികൾ പാക്കിംഗ് നടത്തുന്നതിനിടെ ഉഗ്രശബ്ദത്തോടെ പൊട്ടിത്തെറിക്കുകയായിരുന്നു. അഗ്നിസുരക്ഷാ സേന സ്ഥലത്തെത്തി തീ അണയ്‌ക്കാനു‌ള്ള ശ്രമങ്ങൾ തുടരുകയാണ്. സംഭവത്തിൽ കൂടുതൽ അന്വേഷണം നടത്തുമെന്ന് പൊലീസ് പറഞ്ഞു.
