ഡൽഹിയിലെ ബർ​ഗർ ഷോപ്പിൽ വെടിവയ്പ്പ്; ഒരു മരണം; അക്രമി സംഘത്തിൽ യുവതിയും, വീഡിയോ

ഡൽഹിലെ ബർ​ഗർ കിം​ഗ് ഔട്ടലെറ്റിലുണ്ടായ വെടിവയ്പ്പിൽ 26-കാരന് ദാരുണാന്ത്യം. രജൗരി ​ഗാർഡൻ ഏരിയയിലായിരുന്നു സംഭവം. കൊല്ലപ്പെട്ട അമൻ ഒരു യുവതിക്കൊപ്പമിരുന്ന് സംസാരിക്കുന്നതിനിടെയാണ് അക്രമി വെടിയുതിർത്തത്. യുവതി ഫോണിൽ ചിത്രങ്ങൾ കാട്ടുന്നതിനിടെ ഷോപ്പിൽ യുവാവിന് പിന്നിലിരുന്നയാൾ പൊടുന്നനെ ആക്രമിക്കുകയായിരുന്നു. 18ന് രാത്രി 9.45നായിരുന്നു ആക്രമണം.

ഇതോടെ ആൾക്കാർ പരിഭ്രാന്തരായി ഓടി. വെടിയേറ്റ യുവാവ് ബില്ലിം​ഗ് കൗണ്ടറിലേക്ക് ഓടിയെങ്കിലും പിന്നാലെയെത്തിയ രണ്ടുപേർ തുടർന്നും വെടിയുതിർക്കുകയായിരുന്നു.രണ്ടു തോക്കുകളിൽ നിന്നായി 38 തവണ അമന് നേരെ നിറയാെഴിച്ചെന്നാണ് സൂചന.സംഭവം നടക്കുമ്പോൾ 50ലറെ പേർ ഷോപ്പിലുണ്ടായിരുന്നു.

ഇയാളുടെ മൃതദേഹം ബില്ലിം​ഗ് കൗണ്ടറിലാണ് കിടന്നത്. അമന് ഒപ്പമുണ്ടായിരുന്ന യുവതി അക്രമി സംഘത്തിൽപ്പെട്ടതാണെന്ന സംശയത്തിലാണ് പൊലീസ്. ഇവർ സംഭവം നടന്നതിന് പിന്നാലെ മരിച്ച യുവാവിന്റെ പഴ്സും ഫോണുമായി മുങ്ങിയിരുന്നു. ആക്രമണത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. അക്രമിയുടേതെന്ന് കരുതുന്ന ചില ദൃശ്യങ്ങളും പുറത്തുവന്നിട്ടുണ്ട്.

VIDEO | A man was shot at several times by a group of men inside a Burger King outlet in West Delhi’s Rajouri Garden on Tuesday evening. The incident was caught on CCTV installed inside the eatery.

(Source: Third Party) pic.twitter.com/3CfjsLC4Xm

— Press Trust of India (@PTI_News) June 20, 2024

“>