2013-ലാണ് ജോർജിയയിൽ ഡൈനാമോ തബിലിസി അക്കാദമി ഉദ്ഘാടനം ചെയ്യാൻ ഫുട്ബോൾ ഇതിഹാസം ക്രിസ്റ്റിയാനോ റൊണാൾഡോ എത്തുന്നത്. ആ അക്കാദമിയുടെ ഭാഗമായ 11 താരങ്ങളാണ് ഇന്ന് യൂറോ കപ്പിൽ റൊണോയുടെ പോർച്ചുഗലിനെ നേരിട്ടത്. അക്കാദമി ഉദ്ഘാടന സമയത്ത് താരങ്ങളുമായി റൊണാൾഡോയെടുത്ത ചിത്രവും ഇതിനോടകം സമൂഹമാദ്ധ്യമങ്ങളിൽ വൈറലാണ്. പോർച്ചുഗലിനെതിരെ 2-ാം മിനിറ്റിൽ ക്വാരത്സ്ഖെലിയ വലകുലുക്കിയപ്പോൾ ലഭിച്ച ഊർജമാണ് മത്സരത്തിലുടനീളം ജോർജിയയെ പോരാടാൻ സഹായിച്ചത്.
View this post on Instagram
“>
View this post on Instagram
മത്സരത്തിനിടെ ക്വാരത്സ്ഖെലിയയക്ക് റൊണാൾഡോ കൈ നൽകി. ഇരുവരുടെയും ജഴ്സി നമ്പർ 7ആണ്. ഇതിന്റെ ചിത്രങ്ങളും സമൂഹമാദ്ധ്യമങ്ങളിൽ വൈറലായി. സമ്മാനമായി ലഭിച്ച റൊണാൾഡോയുടെ ജഴ്സിയും മാൻ ഓഫ് ദി മാച്ച് പുരസ്കാരത്തിന്റെ ട്രോഫിയും ‘സ്വപ്നം’ എന്ന അടിക്കുറിപ്പോടെ ക്വാരത്സ്ഖെലിയ ഇൻസ്റ്റഗ്രാമിൽ പങ്കുവച്ചിട്ടുണ്ട്.
‘ Dreams’ for Khvicha Kvaratskhelia… 🥹❤️ pic.twitter.com/Ug50W295Bw
— SimplyGoal (@SimplyGoal) June 26, 2024
“>
ചരിത്ര വിജയത്തിന് പിന്നാലെ റൊണാൾഡോയും താനും സംസാരിച്ചതായി താരം പ്രതികരിച്ചു. ”ജോർജിയയുടെ ഫുട്ബോൾ ചരിത്രത്തിലെ ഏറ്റവും മികച്ച ദിവസമാണിന്ന്. പോർച്ചുഗലിനെ തോൽപ്പിച്ച് ഞങ്ങൾ ചരിത്ര വിജയം സ്വന്തമാക്കി. ഞങ്ങൾ അവരെ തോൽപ്പിക്കുമെന്ന് ആരും കരുതിയിരുന്നില്ല. മത്സരത്തിന് മുമ്പ് ഞാൻ അദ്ദേഹവുമായി സംസാരിച്ചിരുന്നു. അദ്ദേഹം ഞങ്ങൾക്ക് ആശംസകൾ നേർന്നു. ഞാനൊരിക്കലും അത് പ്രതീക്ഷിച്ചിരുന്നില്ല”. ക്വാരത്സ്ഖെലിയ പറഞ്ഞു. കളിക്കളത്തിന് അകത്തും പുറത്തും മികച്ച വ്യക്തിത്വത്തിന് ഉടമയാണ് റൊണാൾഡോയെന്നും ലോകത്തിലെ ഏറ്റവും മികച്ച കളിക്കാരിൽ ഒരാളാണ് അദ്ദേഹമെന്നും താരം കൂട്ടിച്ചേർത്തു.
പന്തിന് മുന്നിലും പിന്നിലും ജോർജിയയുടെ പതിനൊന്ന് പേർ പോരാടാനുറച്ചപ്പോൾ റൊണാൾഡോയും സംഘവും പ്രതിരോധത്തിലായി. മത്സരത്തിന്റെ രണ്ടാം മിനിറ്റിൽ ക്വാരത്സ്ഖെലിയയുടെ തകർപ്പൻ ഫിനിഷിംഗ് ജോർജിയയെ മുന്നിലെത്തിച്ചു. ഗോൾമടക്കാൻ പറങ്കിപ്പട ശ്രമിക്കുന്നതിനിടെ ജോർജിയ വീണ്ടും ഞെട്ടിച്ചു. 57-ാം മിനിറ്റിൽ ലഭിച്ച പെനാൽറ്റി ജോർജസ് ലക്ഷ്യത്തിലെത്തിക്കുകയായിരുന്നു. യൂറോ കപ്പ് ചരിത്രത്തിലെ ഏറ്റവും വലിയ അട്ടിമറിയിലൂടെയാണ് ആദ്യമായി കളിക്കാനെത്തിയ ജോർജിയയുടെ പ്രീക്വാർട്ടറിൽ പ്രവേശനം.