ന്യൂഡൽഹി: കോൺഗ്രസ് നേതാവും രാജ്യസഭാ എംപിയുമായ ഫുലോ ദേവി പാർലമെന്റിൽ കുഴഞ്ഞുവീണു. ഇവരെ ഉടൻ തന്നെ ആശുപത്രിയിലെത്തിച്ചതായി അധികൃതർ അറിയിച്ചു. ഡൽഹിയിലെ ആർഎംഎൽ ആശുപത്രിയിലാണ് ഫുലോ ദേവിയെ പ്രവേശിപ്പിച്ചത്. ഇവരുടെ ആരോഗ്യനില തൃപ്തികരമാണെന്നാണ് വിവരം. ഛത്തീസ്ഗഡിൽ നിന്നുള്ള എംപിയാണ് ഫുലോ ദേവി. നീറ്റ് പരീക്ഷാ ചോദ്യപേപ്പർ ചോർച്ചയുമായി ബന്ധപ്പെട്ട് രാജ്യസഭയിൽ പ്രതിഷേധിക്കുന്നതിനിടെയാണ് പ്രതിപക്ഷ എംപി കുഴഞ്ഞുവീണത്.
#WATCH | Congress party's Rajya Sabha MP Phulo Devi Netam being taken away in an ambulance from Parliament after she felt dizzy and fell. She was protesting in the Well of of the House over NEET issue when the incident happened. She is being taken to RML hospital. pic.twitter.com/ljyXgCfuMA
— ANI (@ANI) June 28, 2024
നീറ്റ് പരീക്ഷാ ക്രമക്കേടിൽ ആദ്യ അറസ്റ്റ് സിബിഐ രേഖപ്പെടുത്തിയതിന് പിന്നാലെയാണ് പ്രതിപക്ഷ എംപിമാരുടെ പ്രതിഷേധം. ബിഹാറിൽ നിന്ന് രണ്ട് പേരെ സിബിഐ സംഘം പിടികൂടിയിരുന്നു. ചോദ്യം ചെയ്യലിന് ശേഷമാണ് ഇവരുടെ അറസ്റ്റ് രേഖപ്പെടുത്തിയത്. നീറ്റ് ക്രമക്കേടുമായി ബന്ധപ്പെട്ട് ഇതുവരെ 6 എഫ്ഐആറുകളാണ് സിബിഐ രജിസ്റ്റർ ചെയ്തിരിക്കുന്നത്. മഹാരാഷ്‌ട്ര, ഡൽഹി എന്നിവിടങ്ങളിൽ നിന്നും വിദ്യാർത്ഥികളും മാതാപിതാക്കളുമടക്കം നിരവധി പേരെ സിബിഐ കസ്റ്റഡിയിലെടുത്തിട്ടുണ്ട്.
