കൊച്ചി: എറണാകുളത്ത് റെയിൽവേ ട്രാക്കിലേക്ക് മരം ഒടിഞ്ഞുവീണ് ട്രെയിൻ ഗതാഗതം തടസ്സപ്പെട്ടു. പച്ചാളം ലൂർദ് ആശുപത്രി പരിസരത്തെ പാളത്തിലേക്കാണ് മരം വീണത്.
റെയിൽവേയുടെ വൈദ്യുതി ലൈനിൽ തട്ടി മരത്തിന് തീപിടിച്ചു. വലിയ ശബ്ദത്തോടെയാണ് മരം ഒടിഞ്ഞുവീണതെന്ന് ദൃക്സാക്ഷികൾ പറയുന്നു. എന്നാൽ അപായമൊന്നും ഉണ്ടായിട്ടില്ല. മഴയിൽ മരം നനഞ്ഞിരുന്നതിനാൽ തീ ആളിക്കത്തിയില്ല. ട്രെയിൻ ഗതാഗതം താത്കാലികമായി നിർത്തിവച്ചു.
